काठमाडौं– न्यूजिल्यान्डले स्कटल्यान्डविरुद्धको दुई खेलको टी-२० आई सिरिज जितेको छ।
शुक्रबार राति सम्पन्न दोस्रो तथा अन्तिम खेलमा स्कटल्यान्डलाई १०२ रनले हराउँदै न्यूजिल्यान्डले सिरिज २-० ले जितेको हो।
न्यूजिल्यान्डले दिएको २५५ रनको लक्ष्य पछ्याएको स्कटल्यान्डले २० ओभरमा ९ विकेट गुमाएर १५२ रन मात्र बनाउन सक्यो।
स्कटल्यान्डडका लागि क्रिस ग्रिभ्सले ३७ रन जोडे। उनले २९ बलमा १ चौका र ३ छक्का प्रहार गरे। यता, रिची बेरिङटनले १२ बलमा ३ चौका र १ छक्कासहित २२ रन बनाए।
जर्ज मुन्से १९ रनमा आउट हुँदा माइकल लिस्कले १४ रन बनाए।
न्यूजिल्यान्डका जेम्स निशम र मिचेल रिपोनले २/२ विकेट लिए।
त्यसअघि पहिले ब्याटिङ गरेको न्यूजिल्यान्डले २० ओभरमा ५ विकेट गुमाएर २५४ रन बनाएको थियो।
न्यूजिल्यान्डका मार्क चाम्पमानले ८३ रनको अर्धशतकीय इनिङ्स खेले। उनले ४४ बलमा ५ चौका र ७ छक्का प्रहार गरे।
यता, मिचेल ब्रेसवेलले अविजित रहदै ६१ रनको अर्धशतकीय इनिङ्स खेले। उनले २५ बलमा ८ चौका र ३ छक्का प्रहार गरे।
ड्रयाल मिचेलले ३१ तथा डान क्लिभर र जेम्स निशमले २८/२८ रन बनाए।
स्कटल्यान्डडका गाभिन मेनले २ विकेट लिए। न्यूजिल्यान्ड पहिलो खेलमा ६८ रनले विजयी भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
