काठमाडौं– भ्रमणकारी भारतले पहिलो टी-२० आई सिरिजमा घरेलु टोली वेस्ट इन्डिजलाई हराएको छ।
शुक्रबार राति सम्पन्न खेलमा भारतले वेस्ट इन्दिजलाई ६८ रनले हराएको हो।
भारतले दिएको १९१ रनको लक्ष्य पछ्याएको वेस्ट इन्डिजले २० ओभरमा ८ विकेट गुमाएर १२२ रन मात्र बनाउन सक्यो।
वेस्ट इन्डिजका लागि शम्राह ब्रुक्सले २० रन जोडे। उनले १५ बलमा २ चौका र १ छक्का प्रहार गरे। केमो पाउलले २२ बलमा २ चौकासहित अविजित १९ रन बनाए।
निकोलस पुरण १८ रनमा आउट हुँदा केली मेयर्सले १५ रन बनाए।
भारतका रविचन्द्र आश्विन, रबि बिश्नोई र अर्शदिप सिंहले २/२ विकेट लिए।
त्यसअघि पहिले ब्याटिङ गरेको भारतले २० ओभरमा ६ विकेट गुमाएर १९० रन जोडेको थियो।
भारतका कप्तान रोहित शर्माले ६४ रनको अर्धशतकीय इनिङ्स खेले। उनले ४४ बलमा ८ चौका र २ छक्का प्रहार गरे। यता, दिनेश कार्तिकले १९ बलमा ४ चौका र २ छक्कासहित अविजित ४१ रनको विष्फोटक ब्याटिङ गरे।
सूर्यकुमार यादवले २४, रविचन्द्र जडेजाले १६ तथा ऋषव पन्तले १४ रन बनाए।
वेस्ट इन्डिजका लागि अल्जारी जोसेपले २ विकेट लिए।जितसँगै भारतले ५ खेलको टी-२० आई सिरिजमा १-० को अग्रता बनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
