काठमाडौं– फ्रान्सका १८ वर्षीय ओपनर गुस्ताभ म्याकनले नर्वेविरुद्ध दुई दिनभित्र दोस्रोपटक टी–२० आईमा शतक प्रहार गर्दै कीर्तिमान बनाएका छन्।
उनी टी–२० आई क्रिकेटमा लगातार खेलमा शतक प्रहार गर्ने पहिलो खेलाडी हुन्। उनले आईसीसी टी–२० विश्वकप २०२४ को युरोपियन छनोट खेलमा नर्वेविरुद्ध ५३ बलमा १०१ रन बनाएका हुन्।
यसअघि उनले स्विट्जरल्यान्डविरुद्ध शतक बनाएका थिए। उनी पुरुष टी–२० आई क्रिकेटमा सबैभन्दा कम उमेरमा शतक बनाउने खेलाडी पनि हुन्।
उनले १८ वर्ष २८० दिनमा शतक प्रहार गरेका थिए। यसअघि अफगानिस्तानका हजरतुल्लाह जाजाईले २० वर्ष ३३७ दिनको उमेरमा शतक प्रहार गरेका थिए।
म्याकनले योसँगै तीन टी–२० आई इनिङ्समा सर्वाधिक रन बनाउने कीर्तिमान पनि राखेका छन्। उनको खातामा अहिले २८६ रन छ। तर, यो खेलमा म्याकन आफ्नो ब्याटिङबाट खुसी थिएनन्।
केराभामा खेलिएको उक्त खेलमा फ्रान्सले ८ विकेट गुमाएर १५८ रन बनाएको थियो। जवाफमा नर्वे १४७ रनमा अलआउट भयो। उनले चार ओभरमा २७ रन दिएर तीन विकेट लिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
