काठमाडौं- आरपीएसजी समूहले क्रिकेट दक्षिण अफ्रिकाको नयाँ टी–२० लिगको लागि डरबन फ्रेन्चाइजको मुख्य प्रशिक्षकमा लान्स क्लुजनरलाई नियुक्त गरेको छ।
सन् १९९६ देखि २००४ सम्म दक्षिण अफ्रिकाका लागि ४९ टेस्ट र १७१ ओडीआई खेलेका क्लुजनरलाई आफ्नो समयका उत्कृष्ट अलराउन्डरमध्ये एक मानिन्थ्यो। उनले आफ्नो टेस्ट करिअरमा १ हजार ९०६ र एकदिवसीय करिअरमा ३ हजार ५७६ रन बनाएका थिए।
उनले टेस्टमा ८० र एकदिवसीयमा १९२ विकेट लिएका थिए। पूर्वक्रिकेटर हुनुका साथै उनी अन्तर्राष्ट्रिय प्रशिक्षक पनि हुन्।
सन् २०१२ मा दक्षिण अफ्रिकी घरेलु टोली डल्फिनको प्रशिक्षकको जिम्मेवारी निभाएका उनी २०१६ मा जिम्बाब्वेको ब्याटिङ कोचमा आबद्ध भएका थिए।
२०१५ मा उनलाई इङ्ग्ल्यान्डविरुद्धको घरेलु सिरिजका लागि दक्षिण अफ्रिकाको तल्लो क्रमलाई बलियो बनाउने काम दिइएको थियो। २०१९ मा उनलाई अफगानिस्तान राष्ट्रिय टोलीको मुख्य प्रशिक्षक बनाइएको थियो।
यी भूमिकाहरू बाहेक, क्लुजनर इन्डियन प्रिमियर लिग (आईपीएल)मा मुम्बई इन्डियन्सको बलिङ प्रशिक्षक पनि थिए। उनले दक्षिण अफ्रिकाका लागि सहायक ब्याटिङ प्रशिक्षकको रुपमा पनि काम गरिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
