काठमाडौं- अस्ट्रेलियाका पूर्वकप्तान रिकी पोन्टिङले टिम डेभिडले टी–२० विश्वकप जिताउन सक्ने विश्वास व्यक्त गरेका छन्। उनले डेभिडलाई २००३ को विश्वकप विजेता एन्ड्रयू साइमन्ड्ससँग तुलना गरे।
पोन्टिङले हालै डेभिडको टोली होबार्ट हुरिकेन्सका लागि रणनीति प्रमुखको भूमिका जिम्मेवारी सम्हालेका थिए। उनले आफू अस्ट्रेलियाको छनोटकर्ता भएको भए शक्तिशाली दायाँ हाते ब्याट्सम्यानलाई टोलीमा स्थान दिने बताए।
पोन्टिङले भने,‘उनी त्यस्तो खेलाडी हुन्, जसले तपाईंलाई विश्वकप जिताउन सक्छन्। उसले मलाई सन् २००३ को विश्वकपको एन्ड्रयु साइमन्ड्सको सम्झना गराउँछ। यदि तपाईंले उनलाई मौका दिनुभयो भने जित्ने मौका छ।’
उनले थपे,‘मलाई लाग्छ अस्ट्रेलियाको मिडल अर्डरमा अहिले धेरै राम्रा ब्याट्सम्यान छन्। तर, पछिल्लो दुई वर्षमा डेभिडले उनीभन्दा राम्रो प्रदर्शन गरेका छन्।’
अस्ट्रेलियाको छनोट प्यानलसामू चुनौती डेभिडलाई १५ सदस्यीय टोलीमा समावेश गर्ने हो। उनीहरूले उनलाई श्रीलंकाको टी–२० आई भ्रमणको लागि छनोट गरेनन्। किनभने इन्डियन प्रिमियर लिग (आईपीएल)मा उनको उत्कृष्ट प्रदर्शनको ठीक अघि टोली छनोट गरिएको थियो।
मार्कस स्टोइनिस र म्याथ्यु वेडले गत वर्ष विश्वकप जितेर अस्ट्रेलियाको ६ र ७ नम्बरको फिनिशरका रूपमा आफूलाई स्थापित गरेका छन्। शीर्ष चार पनि निश्चित छन्। त्यो लाइनअपमा एकमात्र कमजोर खेलाडी स्टिभन स्मिथ हुन्, जसलाई अस्ट्रेलियाको टोलीमा नम्बर ५ मा राखिएको छ।
कप्तान आरोन फिन्चले हालै डेभिडलाई राष्ट्रिय टोलीमा मौका दिने बताएका छन्। अस्ट्रेलियाले सेप्टेम्बरमा भारतसँग तीनवटा टी–२० आई खेल खेल्ने छ। डेभिड त्यो भ्रमणमा टोलीको हिस्सा हुन सक्छ। तर, त्यसबेलासम्म विश्वकपका लागि टोली घोषणा हुने सम्भावना छ।
पोन्टिङले आईपीएलमा डेभिडलाई नजिकबाट चिनेका छन्। पोन्टिङले मुम्बईले डेभिडलाई कम प्रयोग गरेको महसुस गरे। नयाँ प्रशिक्षक जेफ भनसँगको छलफलपछि पोन्टिङले होबार्ट हुरिकेन्सका लागि उनलाई थप प्रस्ट रूपमा प्रयोग गर्ने योजना बनाएका छन्।
पोन्टिङले भने, ‘विगत १२–१८ महिनामा उनले विश्वभर खेलेका प्रायः हरेक प्रतियोगितामा अविश्वसनीय छन्। यो वर्षको आईपीएलका सबै खेल खेल्न नपाउँदा उनी अलि अभागी सावित भए। तर, उनले केही म्याच जिताउने इनिङ्स खेले।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
