काठमाडौं– अफगानिस्तान क्रिकेट बोर्डले इङ्ल्यान्डका पूर्वब्याट्सम्यान जोनाथन ट्रोटलाई पुरुष टिमको मुख्य प्रशिक्षकमा नियुक्त गरेको छ।
ट्रोटले अगस्टमा अफगानिस्तानको आयरल्यान्ड भ्रमणको जिम्मेवारी सम्हाल्नेछन्। उनीसँग यसअघि पनि कोचिङको अनुभव छ। उनले इङ्ल्यान्डको पुरुष टोली, इङ्ल्यान्ड लायन्स र अन्डर–१९ टोलीसँग पनि काम गरेका छन्। यसबाहेक २०२१ को टी–२० विश्वकपमा ट्रोट स्कटल्यान्डको ब्याटिङ सल्लाहकार पनि थिए।
यसअघि दक्षिण अफ्रिकाका पूर्वअलराउन्डर लान्स क्लुजनर अफगानिस्तानका मुख्य प्रशिक्षक थिए। उनको दुई वर्षे कार्यकाल गत नोभेम्बरमा सकिएको थियो। त्यसपछि उनले राजीनामा दिने निर्णय गरेका थिए।
४१ वर्षीय ट्रोटले इङ्ल्यान्डका लागि ५२ टेस्ट, ६८ एकदिवसीय र सात टी–२० अन्तर्राष्ट्रिय खेलेका छन्। उनले टेस्टमा ४४.०८ को औसतमा ३ हजार ८३५ रन, एकदिवसीयमा ५१.२५ को औसतमा २ हजार ८१९ रन र टी–२० मा २३ को औसतमा १३८ रन बनाएका छन्। ट्रोटले टेस्टमा पाँच विकेट र एकदिवसीयमा दुई विकेट लिएका थिए।
अफगानिस्तान क्रिकेट बोर्डले ट्रोटलाई उद्धृत गर्दै भनेका छन्,‘म अन्तर्राष्ट्रिय क्रिकेटको सबैभन्दा रोमाञ्चक टोलीको प्रशिक्षक बन्न पाउँदा उत्साहित छु। मेरो काम अफगानिस्तानलाई एक टोलीको रूपमा विकास गर्ने हो, यो अवसर पाएकोमा म खुसी छु। आफ्नो देशको क्रिकेटलाई शीर्षस्थानमा लैजान चाहने खेलाडीहरूको समूहसँग काम गर्न पर्खिन सक्दिनँ।’
अफगानिस्तानको टोलीले आयरल्यान्ड भ्रमणमा पाँच टी–२० खेलको सिरिज खेल्नेछ। ट्रोटले सन् २००७ मा अन्तर्राष्ट्रिय डेब्यू गरेका थिए। त्यसपछि उनले वेस्ट इन्डिजविरुद्ध टी–२० खेले। ट्रोटले आफ्नो अन्तिम अन्तर्राष्ट्रिय खेल २०१५ मा खेले। यो एक टेस्ट म्याच थियो। इङ्ल्यान्डले केनिङ्टन ओभलमा वेस्ट इन्डिजको सामना गरेको थियो।
ट्रोटको आगमनले अफगानिस्तानलाई निश्चित रूपमा धेरै फाइदा पुर्याउँछ। टोलीले यसै वर्ष टी–२० विश्वकप पनि खेल्नुपर्नेछ। यस्तो अवस्थामा ट्रोटले टोलीलाई उपाधि जिताउन मद्दत गर्न सक्छ। इङ्ल्यान्ड टोलीले २००९ र २०१० को एशेज सिरिज जित्न सफल भएको थियो। जसको श्रेय ट्रोटलाई जान्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
