काठमाडौं– वेस्ट इन्डिजविरुद्धको तीन खेलको सिरिजको पहिलो खेलमा भारतका कप्तान शिखर धवनले ९७ रनको शानदार इनिङ्स खेले। योसँगै उनी एकदिवसीय क्रिकेटमा भारतका लागि अर्धशतक बनाउने सबैभन्दा पाका कप्तान बनेका छन्।
उनले मोहम्मद अजहरुद्दीनको २३ वर्ष पुरानो कीर्तिमान तोडे। यसबाहेक धवनले ‘नर्भस नाइन्टीज’मा सबैभन्दा धेरै आउट हुनेमा विराट कोहलीलाई पछि पारेका छन्।
धवनले ३६ वर्ष २२९ दिनको उमेरमा अर्धशतक बनाएका छन्। यसअघि भारतका लागि एकदिवसीय क्रिकेटमा अर्धशतक बनाउने कीर्तिमान अजहरुद्दिनको नाममा थियो।
उनले कप्तानको रूपमा आफ्नो अन्तिम अर्धशतक ८ जुन १९९९ मा बनाएका थिए। त्यसपछि उनले म्यानचेस्टरमा पाकिस्तानविरुद्ध ५९ रनको इनिङ्स खेलेका थिए। त्यो खेल आईसीसी विश्वकपको थियो।
छैटौं पटक ‘नर्भस नाइन्टीज’बाट पीडित धवन
धवन मात्र तीन रनले शतक बनाउनबाट चुके। उनी आफ्नो एकदिवसीय करियरमा छैटौं पटक ‘नर्भस नाइन्टीज’को सिकार भएका छन्। अर्थात् उनी छैटौं पटक ९० देखि ९९ रनको स्कोरमा आउट भए।
एकदिवसीय क्रिकेटमा भारतीय ब्याट्सम्यानमध्ये सचिन तेन्दुलकर मात्र उनीभन्दा धेरै पटक ‘नर्भस नाइन्टीज’को शिकार भएका छन्। सचिन ९० देखि ९९ को बीचमा १७ पटक आउट भए।
धवनले सौरभ गांगुलीको कीर्तिमान बराबरी गरेका छन्। गांगुली पनि ६ पटक ‘नर्भस नाइन्टीज’को सिकार भएका थिए। धवनले विराट कोहली र वीरेन्द्र सहवागलाई पछि पारेका छन्। दुवै ९० र ९९ को बीचमा ५–५ पटक आउट भएका थिए।
तीन वर्षपछि शतक बनाउने मौका गुमाए
यदि धवनले यो इनिङ्समा थप तीन रन बनाउन सक्थे भने तीन वर्षपछि एकदिवसीय क्रिकेटमा उनको शतक हुने थियो। यसअघि उनले सन् २०१९ को विश्वकपमा अस्ट्रेलियाविरुद्ध शतक बनाएका थिए।
वेस्ट इन्डिजविरुद्धको पहिलो एकदिवसीय खेलमा धवनले ९९ बलमा ९९ रन बनाएका थिए। उनले १० चौका र तीन छक्का प्रहार गरे। उनी ३४ औं ओभरको चौथो बलमा आउट भए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
