काठमाडौं– भारतका पूर्वब्याट्सम्यान सुनिल गावस्करले ‘प्रत्येक बल खेल्ने चिन्ता’ नै फर्ममा रहेका विराट कोहलीको लगातार कम स्कोरको प्रमुख कारण भएको दाबी गर्छन्।
कोहलीले इङ्ल्यान्ड भ्रमणमा ओडीआई र टी–२० मा एउटा पनि अर्धशतक बनाउन सकेनन्। दुई ओडीआईको दोस्रो खेलमा उनी बायाँ हाते फास्ट बलर डेभिड विली र त्यसपछि तेस्रो खेलमा रिस टोपलीविरुद्ध बाहिरी किनारामा समातिए।
एजब्यास्टनमा भएको पाँचौं टेस्टमा पहिलो इनिङ्समा बल ब्याटको भित्री किनारामा लागेर स्टम्पमा ठोक्किएपछि उनी आउट भएका थिए। उनी दोस्रो इनिङ्समा ‘स्लिप’मा क्याच भएका थिए।
धेरै विशेषज्ञहरूले यो क्रमलाई समस्या क्षेत्रको रूपमा पहिचान गरेका छन्। कोहलीले पछिल्ला ७९ इनिङ्समा सबै फर्म्याटमा शतक बनाएका छैनन्।
गावस्करले इन्डिया टुडेलाई भनेका छन्,‘ओपनर भएको नाताले म धेरै पटक त्यो लाइनबाट समस्यामा परेको छु र मैले धेरै कुराहरू प्रयास गरेको छु। तथ्य यो हो कि तपाईंको पहिलो गल्ती नै अन्तिम गल्ती हुन्छ।’
उनले अगाडि भने,‘रनको यो खडेरीबाट गुज्रिरहेको कारण हरेक बल खेल्दा उनी चिन्तित छन्। ब्याट्सम्यानलाई यस्तो हुन्छ। किनभने उनीहरूलाई रन बनाउनुपर्छ भन्ने लाग्छ। त्यसैले तपाईं ती बलहरू खेल्न सक्नुहुन्छ। तर, उनी भने यस भ्रमणमा केहि साँच्चै राम्रो डेलिभरीहरूमा आउट भए।’
गावस्कर कोहलीलाई यो कमजोरीमा मद्दत गर्न तयार छन्। क्यारेबियन भ्रमणका लागि भारतीय टोलीबाट कोहलीलाई विश्राम दिइएको छ। त्यसपछि टोली जिम्बाब्वेको छोटो भ्रमणमा जानेछ। त्यसपछि अगस्टमा एसिया कप टी–२० हुने छ।
उनले भने, ‘यदि उनीसँग मेरा लागि २० मिनेट छ भने, म उसलाई के गर्न सक्छु भनेर बताउन सक्छु। म भन्न चाहन्नँ कि यसले उनलाई पक्कै मद्दत गर्नेछ। तर, यसले उनलाई विशेष गरी अफ स्टम्पको लाइनमा मद्दत गर्न सक्छ।’
कपिल देवलगायत धेरै पूर्वखेलाडीले कोहलीलाई दिइएको अवसरको विरोध गरेका छन्। धेरै युवा खेलाडीले आफ्नो प्रदर्शनका आधारमा टोलीको ढोका ढकढक्याइरहेका छन्। भारतीय टोली व्यवस्थापनले कोहलीलाई समर्थन गरेको छ र कप्तान रोहित शर्माले सार्वजनिक रूपमा बोलेका छन्।
रोहितले इङ्ल्यान्डविरुद्धको दोस्रो एकदिवसीय खेलपछि भने, ‘कोहली धेरै खेल खेलेका छन्। उनी धेरै वर्षदेखि खेल्दै आएका छन्। उनी एक राम्रो ब्याट्सम्यान हुन्, जसलाई आश्वासनको आवश्यकता पर्दैन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751533150.jpg)
-1749826086.png)
