काठमाडौं– आईसीसी विश्वकप लिग–२ अन्तर्गत गएराति भएको खेलमामा भ्रमणकारी टोली नामिबिया स्कटल्यान्डसँग ३ विकेटले पराजित भएको छ। २ सय १६ रनको विजयी लक्ष्य पछ्याएको स्कटल्यान्डले ४८.५ ओभरमा ७ विकेट गुमाउँदै पूरा गर्यो।
एक समय ३६.४ ओभरमा १३६–७ को अवस्थामा पुगेको स्कटल्यान्डलाई आठौं विकेटका लागि शफ्यान शरिफ र क्रिस ग्रीब्सले ८३ रनको उत्कृष्ट साझेदारी गर्दै रोमान्चक जित दिलाए।
ग्रिब्स ४८ बलमा ५ चौका र २ छक्कासहित ५३ रनमा अविजित रहे। उनको यो पहिलो अर्धशतक हो। शरिफ ४३ बलमा ४ चौका र १ छक्कासहित ४० रनमा अविजित रहे। कप्तान का इल कोट्जर ३, म्याथ्यु क्रस २९, जर्ज मुन्शे १७ र मार्क वाट् ११ रनमा आउट भए। नामिबियाका तीव्र गतिका बलर रुबेन ट्रम्पलम्यानले सर्वाधिक तीन विकेट लिए।
त्यसअघि टस हारेर ब्याटिङको निम्तो पाएको नामिबियाले निर्धारित ५० ओभरमा ७ विकेट गुमाउँदै २ सय १५ रन बनाएको थियो। नामिबियाका जान फ्रिलिंक ४८ बलमा ३ चौका र २ छक्कासहित सर्वाधिक ६० रनमा अविजित रहे । कप्तान गेर्हार्ड इरास्मस ७२ बलमा २ चौका र २ छक्कासहित ५६ रनमा आउट भए।
डेभिन ला कक २३, जेजे स्मित २६ र डेविड विजा ६ रनमा आउट भए। स्कटल्यान्डका स्पिनर हम्जा ताहिर र तीव्र गतिका बलर गेभिन मेनले तीन तीन विकेट लिए। नेपाल नामिबियासँग भने ४० रनले पराजित भएको थियो ।
स्कटल्यान्ड २३ खेलमा १५ मा जित र ६ मा हारका साथ ३२ अंक जोड्दै दोस्रो स्थानमा छ। नामिबिया १७ खेलमा ८ मा जित र ९ मा हार सहित १६ अंकका साथ छैटौं स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788430671.jpg)
-1786602170.png)
-1786513116.png)
-1788425345.png)
