काठमाडौं– अन्तर्राष्ट्रिय क्रिकेटमा विराट कोहलीको खराब लय जारी छ। इंग्ल्यान्डविरूद्धको टेस्ट म्याचको पहिलो इनिङ्समा पनि कोहलीले गतिलो खेल प्रदर्शन गर्न सकेनन् र ११ रन मात्र बनाएर आउट भए।
उनलाई इंग्ल्यान्डका युवा फास्ट बलर म्याटी पोट्सले बोल्ड गरे। यस इनिङ्समा पनि कोहली आउट हुनुअघिसम्म राम्रो लयमा देखिएका थिए। तर, अचानक उनको लय बिग्रियो र ठूलो गल्ती गर्न पुगे। आउट भएपछि कोहली निकै निराश देखिए।
कोहलीले यस इनिङ्समा १९ बल खेले र २ चौकाको मद्दतले ११ रन बनाए। त्यसपछि उनी म्याटी पोट्सको बलमा आउट भए। पोट्सको बल अफ स्टम्प बाहिर थियो, तर भित्र पसिरहेको थियो।
यस्तो अवस्थामा कोहली डिफेन्सिभ सट खेल्न बलको नजिक आएका थिए। तर, अन्तिम मिनेटमा उनले त्यसलाई छोड्ने निर्णय गरे। तर, त्यतिन्जेल ढिलो भइसकेको थियो। बल उनको ब्याटमा लागेर सिधै स्टम्पमा ठोकिन पुग्यो।
यो बल खेल्दा या छोड्दा पक्कै पनि आउट नहुने उनको आंकलन थियो। तर, दोहोरो मानसिकताका कारण उनको विकेट गुम्यो। कोहलीको आउट भएपछि भारतीय समस्यामा परेको थियो।
नियमित कप्तान रोहित शर्माको अनुपस्थिति र चेतनेश्वर पुजारा आउट भएपछि रन बनाउने जिम्मेवारी आफूमा छ भन्ने पनि उनलाई थाहा थियो। तर, उनी आउट भए।
पेभिलियन फर्कनुअघि कोहलीले निराश हुँदै बलरलाई हेरे र मैदान छाडे। अहिले विराटको यो भिडियो सामाजिक सञ्जालमा भाइरल भइरहेको छ।
विराटले हालको सिरिजमा २२९ रन बनाएका छन्। उनले ५ टेस्टको ८ इनिङ्समा २ अर्धशतक बनाएका छन्। यो प्रदर्शनले उनलाई असर पर्दैन।
अब कोहली एजब्यास्टन टेस्टको दोस्रो इनिङ्समा शतक बनाएर सिरिजको शानदार अन्त्य गर्न चाहन्छन्। उनले ७४ इनिङ्सबाट अन्तर्राष्ट्रिय क्रिकेटमा शतक बनाउन सकेका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
