काठमाडौं– विराट कोहली आफ्नो करिअरको सबैभन्दा खराब चरणबाट गुज्रिरहेका छन्। विराटले करिब तीन वर्षदेखि व्यावसायिक क्रिकेटमा शतक बनाउन सकेका छैनन्। भारतीय टोली जुलाई १ मा एजब्यास्टनमा टेस्ट खेल खेल्न मैदान उत्रिँदा सबैको नजर कोहलीमा हुनेछ। उनीबाट समर्थकहरुले ७६ इनिङ्सबाट अन्तर्राष्ट्रिय क्रिकेटमा शतकको अपेक्षा गरेका छन्।
९५० दिनदेखि विराटको शतकको प्रतिक्षा
कोहलीले अन्तिम शतक २२ नोभेम्बर २०१९ मा बंगलादेशविरुद्धको डे–नाइट टेस्टमा बनाएका थिए। त्यसपछि विराटले कोलकाताको इडेन गार्डेनमा १३६ रनको इनिङ्स खेले। उक्त खेलदेखि कोहलीले १७ टेस्ट, २१ एकदिवसीय र २५ टी–२० अन्तर्राष्ट्रिय खेलेका छन्। तर, एक पनि शतक बनाउन सकेका छैनन्।
विराटले २०१८ को इंग्ल्यान्ड भ्रमणमा उत्कृष्ट ब्याटिङ गरेका थिए। उनले सिरिजमा दुई शतक प्रहार गरेका थिए। एजब्यास्टनमा भएको पहिलो इनिङ्समा कोहलीले १४९ रन बनाएका थिए। त्यसपछि नटिङ्घममा दोस्रो इनिङ्समा उनले १०३ रन बनाएका थिए। यस्तो अवस्थामा भारतका पूर्वकप्तानले एजब्यास्टनमा आफ्नो शतकको खडेरी अन्त्य गर्न सक्ने आकलन गरिएको छ।
भारत र इंग्ल्यान्डबीचको टेस्ट खेल जुलाई १ देखि ५ सम्म एजब्यास्टनमा हुनेछ। यो खेल गत वर्ष भएको टेस्ट सिरिजको हिस्सा हुनेछ। अगस्ट-सेप्टेम्बर २०२१ मा भारतले इंग्ल्यान्डमा पाँच टेस्टको सिरिज खेल्दै थियो। त्यसपछि कोरोनाका कारण पाँचौं खेल हुन सकेन। चार टेस्टमा भारत २–१ ले अगाडि थियो।
सिरिजमा कोहलीको प्रदर्शन कस्तो रह्यो?
विराटले हालको सिरिजमा २१८ रन बनाएका छन्। उनले चार टेस्टका सात इनिङ्समा ३१.१४ को औसतमा रन बनाएका छन्। यस क्रममा उनको ब्याटबाट दुई अर्धशतक निस्केका थिए। यो प्रदर्शन उनको प्रतिष्ठामा भर पर्दैन। कोहली एजब्यास्टन टेस्टमा शतक बनाएर सिरिजको शानदार अन्त्य गर्न चाहन्छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766928868.png)
-1764146706.png)
-1766648928.png)
