काठमाडौं– पाकिस्तानी टोलीले वर्तमान समयमा राम्रो प्रदर्शन गरिरहेको छ। तर, पूर्वक्रिकेटर देशको वर्तमान घरेलु क्रिकेट संरचनाप्रति असन्तुष्ट छन्।
पूर्वक्रिकेटरले विभागीय क्रिकेट समाप्त गर्ने निर्णय गलत भएको बताएका छन्। यसका लागि उनीहरुले पाकिस्तान क्रिकेट बोर्ड र पाकिस्तानका पूर्वप्रधानमन्त्री तथा क्रिकेटर इमरान खानलाई दोष दिएका छन्।
पाकिस्तानका अनुभवी विकेटकिपर ब्याट्सम्यान कामरान अकमलले भने, ‘यसले धेरै प्रतिभाशाली क्रिकेटरहरूलाई उत्पादन गर्न रोकेको छ। जसका कारण पाकिस्तान क्रिकेट प्रणाली खराब अवस्थामा छ। यसले पाकिस्तान क्रिकेटलाई धेरै नोक्सान पुर्याएको छ।’
अकमलले पाकिस्तानी टोली पहिलाको जस्तो नभएको पनि बताएका छन्। उनले भने, ‘पाकिस्तानसँग त्यो टोली छैन जुन आठ–दश वर्ष पहिले थियो।’ पाकिस्तानी क्रिकेट टोलीले श्रीलंकामा अर्को दुई टेस्ट खेल्ने भएको छ।
पहिलो खेल १६ जुलाईमा गालेमा र दोस्रो खेल २४ जुलाईमा कोलम्बोमा हुनेछ। यसैबीच टी–२० विश्वकपका लागि अस्ट्रेलिया जानुअघि पाकिस्तानी टोलीले नेदरल्यान्डसँग तीन खेलको एकदिवसीय सिरिज खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766928868.png)
-1764146706.png)
-1766648928.png)
