स्पिनर रविचन्द्र आश्विन भारतीय टोलीमा उपलब्ध हुने भएका छन्। कोरोना संक्रमणमुक्त भएर उनी लेस्टरशायर पुगेका हुन्। तर, बिहीबारबाट सुरु भएको लेस्टरशायरविरुद्धको अभ्यास खेलमा भने उनी सहभागी थिएनन्।
गत हप्ता अश्विनलाई कोरोना संक्रमण पुष्टि भएको थियो। कोरोना संक्रमण भएसँगै भारतीय टोली उनलाई छाडेर इंग्ल्यान्ड प्रस्थान गरेको थियो। उनी बिहीबार बिहान टोलीसँग देखिए, तर उनको नाम कुनै पनि टोलीको पानामा थिएन। यो खेलप्रति टोली १३ सदस्यबीच खेलाइँदैछ।
अश्विनसँग इंग्ल्यान्डमा खेलेको अनुभव छ, जसले उनलाई टोलीमा समावेश गरेकामा भारतीय क्याम्पलाई फाइदा हुने छ। उनले दुई क्लबबाट काउन्टी क्रिकेट पनि खेलिसकेका छन्। अश्विन हाल आईसीसी टेस्ट बलरको वरीयतामा दोस्रो नम्बरमा र अलराउन्डरको वरीयतामा तेस्रो स्थानमा छन्।
एजब्यास्टनमा जुलाई १ देखि सुरु हुने पाँचौं टेस्टमा दुई स्पिनरको अवस्था अनुकूल भएमा अश्विन टोलीमा स्थानका लागि ठूलो दावेदार हुन सक्छन्। नटिङ्घमशायर र वर्सेस्टरशायरका लागि उनको काउन्टी अंकहरू प्रभावशाली छन्, जहाँ उनले २५.३२ को औसतमा ६१ विकेट लिएका छन् र ३७ को नजिकको औसतमा ५५३ रन बनाएका छन्।
चेतेश्वर पुजारा, जसप्रित बुमराह, ऋषभ पन्त र प्रशिद्धि कृष्णा लेस्टरशायर टिममा परेका छन्। त्यसको मुख्य कारण भने पाहुना टोलीका सबै खेलाडीलाई अभ्यास गराउनु थियो। अर्को साताबाट सुरु हुने पाँचौं टेस्ट अगाडिको यो अभ्यास खेल खेलाउन लागिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769055728.png)
-1764146706.png)
