काठमाडौं– भारतले लेस्टरशायरसँगको अभ्यास खेलबाट इंग्ल्यान्ड भ्रमणको सुरुआत गर्ने भएको छ। प्रत्येक टोलीमा १३–१३ खेलाडी रहनेछन् भने भारतका चार खेलाडी चेतेश्वर पुजारा, ऋषभ पन्त, जसप्रित बुमराह र प्रसिद्धि कृष्णले लेस्टरशायरबाट खेल्नेछन्।
भारत सिरिजमा २–१ ले अगाडि छ। सन् २००७ अर्थात् करिब १५ वर्षपछि पहिलो पटक इंग्ल्यान्डमा टेस्ट सिरिज जित्न अन्तिम खेल बराबरी गरे पनि भारतलाई पर्याप्त हुन्छ।
सन् २००७ मा भारतले राहुल द्रविडको कप्तानीमा इंग्ल्यान्डलाई उसैको घरेलु मैदानमा पराजित गरेको थियो, जो अहिले टोलीका प्रशिक्षक छन्।द्रविडले सन् २०२१ को इंग्ल्यान्डको टोली र अहिलेको टोलीमा धेरै भिन्नता रहेको बताएका छन्।
‘त्यतिबेला इंग्लिस टोली ब्याकफुटमा थियो, अहिले त्यो टोली उत्कृष्ट लयमा छ । इंग्ल्यान्डले नयाँ प्रशिक्षक ब्रेन्डन म्याकुलम र नयाँ कप्तान बेन स्टोक्सको नेतृत्वमा आक्रामक र निडर खेल देखाएको छ,’ उनले भने।
भारतले यो वर्ष मार्चदेखि टेस्ट खेलेको छैन। त्यसयता पुजारा र शुभमन गिलबाहेक कसैले टेस्ट क्रिकेट खेलेका छैनन्। यसबाहेक रोहित शर्मा, विराट कोहली, बुमराह, मोहम्मद शामी, मोहम्मद सिराज, रविन्द्र जडेजा र शार्दुल ठाकुरको पनि इन्डियन प्रिमियर लिग (आईपीएल)पछि क्रिकेट मैदानमा फर्किँदै छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
-1786513116.png)
