बैंग्लोर-वर्षाका कारण भारत र दक्षिण अफ्रिकाबीचको पाँच टी-२० आई सिरिज बराबरीमा सकिएको छ। पाँचौं तथा अन्तिम निर्णायक खेल वर्षाका कारण रद्ध भएपछि सिरिज २-२ को बराबरीमा सकिएको छ।
चिन्नास्वामी स्टेडियम बैंग्लोरमा टस हारेर ब्याटिङको निम्तो पाएको भारतले ३.३ ओभरमा २ विकेट गुमाउँदै २८ रन बनाएको थियोे। सोही बेला वर्षाका कारण खेल रोकिएको थियो। त्यसपछि लगातार वर्षाको कारण पुन: खेल सञ्चालन हुन सकेन।
भारतका ओपनर ईशान किशन ७ बलमा २ छक्कासहित १५ रनमा आउट भएका थिए। यता, ऋतुराज गायकवाडले १२ बलमा १० रन जोडे।
दक्षिण अफ्रिकाका लागि दुवै विकेट तीव्र गतिका बलर लुन्गी एनगिडीले लिएका थिए। पहिलो खेलमा दक्षिण अफ्रिका ७ विकेटले विजयी भएको थियो।
दोस्रो खेलमा दक्षिण अफ्रिका ४ विकेटले विजयी भएको थियो। त्यसपछि दुई खेल ४८ रन र ८२ रनले गुमाउँदै २-२ को बराबरीमा पुगेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
