काठमाडौं- इन्डियन प्रिमियर लिग (आईपीएल) २०२२ अन्तिम चरणमा पुगेको छ। शुक्रबार भएको दोस्रो क्वालिफायर खेलपछि १५औं सिजनका दुई फाइनलिस्ट टोलीको टुङ्गो लागिसकेको छ।
राजस्थान रोयल्सले रोयल च्यालेन्जर्स बैंग्लोरलाई ७ विकेटले पराजित गर्दै १४ वर्षपछि फेरि फाइनलमा प्रवेश गरेको हो। अब उसले आइतबार उपाधिका लागि गुजरात टाइटन्सको सामना गर्नेछ, जहाँ विजेता थाहा हुनेछ।
अहमदाबादको नरेन्द्र मोदी स्टेडियममा हुने यो खेलपछि कसले ‘पर्पल क्याप’ जित्यो र कसले ‘ओरेन्ज क्याप’ जित्यो थाहा पाउनेछौं।
राजस्थानका विस्फोटक ओपनर जोस बटलर ‘ओरेन्ज क्याप’ (सर्वाधिक रन)का लागि ८०० भन्दा बढी रन बनाएर अग्रस्थानमा छन्। उनको जित निश्चित छ।
यता, ‘पर्पल क्याप’ (सर्वाधिक विकेट) को मामिलामा युजभेन्द्र चहल र वानिन्दु हसरंगाबीच चर्को प्रतिस्पर्धा छ। चहल र हसरंगाले १६ खेलमा २६/२६ विकेट लिएका छन्।
तर, राम्रो इकोनोमीका कारण ‘पर्पल क्याप’ बैंग्लोरका श्रीलंकाली स्पिनर हसरंगाको हातमा गएको छ। तर, चहलसँग उनको टोली राजस्थानले फाइनलमा गुजरात टाइटन्ससँग खेल्दा उनलाई फिर्ता लिने अर्को मौका हुनेछ।
यदि चहलले फाइनल खेलमा कम्तिमा एक विकेट लिए भने उनले सबैभन्दा बढी विकेट लिएर ‘पर्पल क्याप’ जित्ने छन् र विजेता बन्नेछ। तर, अन्य खेलमा जस्तै उनले विकेट लिन नसके राम्रो इकोनोमीका आधारमा उनी र हसरङ्गाबीचको विजेताको टुंगो लाग्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787755120.jpg)
-1786602170.png)
-1786513116.png)
