काठमाडौं– इन्डियन प्रिमियर लिग (आईपीएल) २०२२ को फाइनलमा आइतबार गुजरात टाइटन्सले राजस्थान रोयल्सको सामना गर्नेछ।
गुजरात टाइटन्सको लागि यो पहिलो आईपीएल सिजन हो। यता, राजस्थान भने २००८ पछि पहिलो पटक फाइनलमा पुगेको हो। यस सिजनमा गुजरात टाइटन्स र राजस्थान २ पटक भिडेका छन्। दुवै पटक गुजरातले राजस्थानलाई पराजित गरेको छ।
गुजरात अलराउन्डरहरूले भरिएको टोली हो। यता, राजस्थानले यो सिजन लगातार ६ ब्याट्सम्यान र ५ बलर राखेर मैदान उत्रिँदै आएको छ। बलिङ यी दुवै टोलीको मुख्य हतियार हो। यस खेलको नतिजालाई असर गर्न सक्ने कारकहरू हेरौं।
राशिद खानको प्रभाव
टी–२० खेलमा राशिद खानको उपस्थितिले कुनै पनि विपक्षी टोलीको रणनीतिलाई असर गर्न सक्छ। आफ्नो टी–२० करिअरमा राशिदले अहिलेसम्म ५ फाइनल खेलेका छन्। यी ५ खेलमा ५.२७ को इकोनोमीमा रन दिएर २ विकेट लिएका छन्।
यस सिजनमा राशिदले राजस्थानविरूद्ध खेलेका २ खेलमा कुनै विकेट भने लिन सकेका छैनन्। तर, ८ ओभर बलिङ गर्दा ५ को इकोनोमीमा ३९ रन मात्र दिएका छन्।
फाइनलमा पनि राजस्थानका ब्याट्सम्यानले राशिदविरूद्ध रक्षात्मक रणनीति अपनाउन सक्छन्। जोस बटलरले टी२० करियरमा राशिदको बलमा बाउन्ड्री प्रहार गर्न सकेका छैनन्। सञ्जु सैमसन र शिमरोन हेटमायरले आक्रमण गर्न खोज्दा आफ्नो विकेट गुमाएका छन्।
पावरप्ले भूमिका
गुजरातको पावरप्ले बलिङ यस सिजनको उत्कृष्ट रहेको छ। उनीहरूका बलरले पावरप्लेमा २६.६९ को औसतमा २६ विकेट लिएका छन्। अर्कोतर्फ, राजस्थानका बलरहरूले पावरप्लेमा २७.३८ को औसतमा २४ विकेट लिएका छन्। फाइनलमा राजस्थानका ट्रेन्ट बोल्ट र गुजरातका मोहम्मद सामीको ओपनिङ स्पेल महत्त्वपूर्ण हुनेछ।
स्पिनरहरूको वर्चस्व
यस सिजन राजस्थान र गुजरातका दुवै टोलीका ब्याट्सम्यानले स्पिनरविरूद्ध आफ्नो दबदबा देखाएका छन्। राजस्थानले स्पिनरविरूद्ध १३६.७२ को स्ट्राइक रेटमा रन बनाएका छन् भने गुजरातका ब्याट्सम्यानको यो अंक १२५.३४ छ।
दुवै टोलीमा जम्मा ३ स्पिनर छन्। दुवै टोलीका ब्याट्सम्यानले स्पिनरविरूद्धमा कस्तो खेल खेल्छन् त्यो हेर्न रोचक हुनेछ।
गुजरात र राजस्थानबीचको यस सिजनका २ खेलमा राजस्थानका ब्याट्सम्यानले राशिदविरूद्ध रक्षात्मक रणनिति अपनाएका छन्। गुजरातका ब्याट्सम्यानले अश्विन र युजवेन्द्र चहलको बलमा सतर्कता अपनाएका छन्। गुजरातले राजस्थानका स्पिनरविरूद्ध १०२ बलमा ३ विकेट गुमाएर १४४ रन बनाएका छन्। यी १४४ रनमध्ये पनि ८० रन बाउन्ड्रीबाट मात्रै आएका थिए।
मिलरलाई कसरी रोक्ने?
यो डेभिड मिलरको अहिलेसम्मको उत्कृष्ट सिजन हो। उनले यो सिजन ६४.१४ को औसत र १४१.१९ को स्ट्राइक रेटमा ४४९ रन बनाएका छन्।
परम्परागत रूपमा उनले स्पिनरहरू भन्दा तीव्र गतिका बलरहरूलाई बढी आक्रमण गर्छ। तर, २०२० देखि उनले स्पिनरहरूविरूद्ध ५६.९ को औसत र १३६.९ को स्ट्राइक रेटमा रन बनाएका छन्। उनले अब हरेक बलमा स्पिनरविरूद्ध बाउन्ड्री प्रहार गर्ने गरेका छन्।
योसँगै, २०२० यता तीव्र गतिका बलरहरू विरूद्ध उनको स्ट्राइक रेट १२७.७ पुगेको छ र उनी ८ पटक आउट भएका छन्। अश्विन र चहलविरूद्ध उनको कीर्तिमान खास रहन सकेको छैन। उनलाई अश्विनले ७३ बलमा ३ पटक आउट गरेका थिए भने चहलले पनि ५२ बलमा मिलरलाई ३ पटक आउट गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787755120.jpg)
-1786602170.png)
-1786513116.png)
