काठमाडौं– अन्तिम ओभरमा डेविड मिलरले लगातार तीन छक्का प्रहार गरेसँगै गुजरात टाइटन्स इन्डियन प्रिमियर लिग (आईपीएल) २०२२ को फाइनलमा पुगेको छ।
मंगलबार राति सम्पन्न पहिलो क्वालिफायरमा गुजरातले राजस्थान रोयल्सलाई ७ विकेटले हराउँदै फाइनलमा स्थान पक्का गरेको हो। जितका लागि १ सय ८९ रनको विजयी लक्ष्य पछ्याएको गुजरातले १९.३ ओभरमा ३ विकेट गुमाउँदै रन बनायो। गुजरातको जितमा डेविड मिलर अविजित रहँदै ६८ रन बनाए।
उनले ३८ बलमा ३ चौका र ५ छक्का प्रहार गरे। यता, कप्तान हार्दिक पाण्ड्या २७ बलमा ५ चौकासहित ४० रनमा अविजित रहे। चौंथो विकेटका लागि हार्दिक र मिलरले १०६ रनको अविजित शतकीय साझेदारी गर्दै जित दिलाए।
शुभमन गिल २१ बलमा ५ चौका र १ छक्कासहित ३५ रनमा रन आउट भए। म्याथ्यु वेड ३० बलमा ६ चौकासहित ३५ रनमा आउट भए। राजस्थानका ओबेद म्याकोय र ट्रेन्ट बोल्टले १/१ विकेट लिए।
त्यसअघि इडेन गार्डेन कोलकातामा टस हारेर ब्याटिङको निम्तो पाएको राजस्थानले निर्धारित २० ओभरमा ६ विकेट गुमाउँदै १ सय ८८ रन बनाएको थियो। राजस्थानका ओपनर जस बटलरले सर्वाधिक ८९ रन बनाए। उनले ५६ बलमा १२ चौका र २ छक्का प्रहार गरे।
दोस्रो विकेटका लागि बटलर र सन्जु स्यासमनले ६८ रनको साझेदारी गर्दै इनिङ्स उकासेका थिए। स्यामसन २६ बलमा ५ चौका र ३ छक्कासहित ४७ रनमा आउट भए। देवदत्त पाडिक्कलले २० बलमा २ चौका र २ छक्कासहित २८ रन बनाए। गुजरातका मोहम्मद शामी, यश दयाल, हार्दिक पाण्ड्या र साई किशोरले १/१ विकेट लिए।
राजस्थानले अब एलिमिनेटरको विजेतासँग दोस्रो क्वालिफायर खेल्नेछ। एलिमिनेटरमा तेस्रो स्थानको खेल लखनऊ सुपर जायन्ट्स र चौंथो स्थानको रोयल च्यालेन्जर्स बेंगलोरबीच बुधबार हुनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764580720.png)
-1764146706.png)
-1763721444.png)
-1763559424.jpg)
-1764080971.png)
