काठमाडौं– उमेर बढी बताएर बन्द प्रशिक्षणमा सहभागी भएका नेपाली राष्ट्रिय क्रिकेट टोलीका आधा दर्जन महिला खेलाडीले यू–१९ विश्वकप छनोट गुमाउने भएका छन्।
टिमको कागजी प्रक्रियाका लागि आधिकारिक प्रमाणपत्र मगाउँदा उमेर नपुगेको पाइएपछि घरेलु प्रतियोगितामा उत्कृष्ट प्रदर्शन गरेका ज्योत्सनीका मरासीनी, टिका शाह, सावित्री धामी, प्रतिमा शाह र मनिषा चौधरीसहित ६ जना खेलाडीले मलेसियामा हुने यू–१९ विश्वकप छनोट गुमाउने भएका हुन्।
‘पहिला अन्तर्राष्ट्रिय क्रिकेट काउन्सिल (आईसीसी)ले यू–१९ विश्वकपको लागि १७ वर्ष ५ महिनाभन्दा बढीको खेलाडीलाई समावेश नगर्ने बताएको थियो,’ नेपाल क्रिकेट संघ (क्यान)का एक पदाधिकारीले नेपाल लाइभसँग भने, ‘तर, कोरोनाका कारण १५ वर्षभन्दा माथिका खेलाडीलाई मात्रै सहभागी गराउने भनेपछि केही खेलाडीले उमेर ढाँटेर बन्द प्रशिक्षणमा सहभागी भएका थिए। तर, कागजी प्रक्रिया नपुग्दा उनीहरु प्रतियोगिता खेल्नबाट वञ्चित भए।’
यता, क्यानका कार्यबाहक सचिव प्रशान्त विक्रम मल्लले भने उमेर ढाँटेर बन्द प्रशिक्षणमा सहभागी भएकोबारे आफूलाई जानकारी नभएको जिकिर गरे। उनले कोरोना कारण ६ खेलाडी सहभागी हुन नपाएको बताए।
‘उहाँहरुले उमेर ढाँटेर बन्द प्रशिक्षणमा सहभागी भएकोबारे मलाई जानकारी छैन । तर, आईसीसीले यू–१५ खेलाडीका लागि गार्जियन कन्सेन्ट लेटर (परिवारको अनुमतिपत्र) लिएर मात्र खेलाडीलाई प्रशिक्षणमा राख्न पाइने पत्र पठाएको थियो,’ उनले भने, ‘पछि पत्र पठाएपछि आईसीसीले कोरोनाका कारण धेरै सानो उमेरका खेलाडीलाई ट्राभलिङ नगराउने भन्ने नियम बनाएको रहेछ। त्यही भएर १५ वर्षभन्दा मूनिका खेलाडीलाई सहभागी नगराउनु भनेर पत्र पठाएको चाहिँ हो।’
यू–१५ खेलाडीले प्रतियोगिता खेल्न नपाउने नियम अनुसार ६ खेलाडीलाई अन्तिम १४ को टिममा नराखिएको मल्लले जानकारी दिए।
‘यसमा आईसीसी नै झुकिएको हो कि जस्तो लाग्छ। पहिला आईसीसीले नै भनेअनुसार सहमतिपत्र मगाएर उनीहरूलाई बन्द प्रशिक्षणमा राखेका थियौं। तर, अहिले उनीहरूलाई नराख्नू भनेपछि ६ खेलाडीलाई निकाल्दै अरु खेलाडीलाई बन्द प्रशिक्षणमा सहभागी गराइएको छ,’ उनले भने।
जुन पहिलो साता हुने एसिया क्षेत्र छनोटमा नेपाल, युएई, मलेसिया, कतार, चीन, भुटान, म्यानमार र थाइल्यान्ड छन्। शीर्ष स्थानमा रहने टोलीले २०२३ मा दक्षिण अफ्रिकामा हुने यू–१९ टी२० महिला विश्वकप खेल्न पाउनेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787239320.jpg)
-1787821305.jpg)
-1786602170.png)
-1787821306.jpg)
-1786513116.png)
