काठमाडौं- आगामी वेस्ट इन्डिज भ्रमणमा आफ्ना अनुभवी ब्याट्सम्यान मुसफिकुर रहिम नरहने बंगलादेश क्रिकेट बोर्ड (बीसीबी)ले जनाएको छ।
बीसीबीका अनुसार रहिम जुलाईमा हज जान लागेका हुन्। यस वर्ष हज जुलाईमा हुने तय भएको छ, जसका लागि रहिम जुन २२ मा साउदी अरब प्रस्थान गर्नेछन्।
बीसीबीका क्रिकेट अपरेशन्सका अध्यक्ष जलाल युनुसले भने, ‘श्रीलंका सिरिजअघि उनले हामीलाई यो वर्ष हज जान चाहेको जानकारी दिएका थिए। यात्राको पुष्टि भएपछि उनलाई हामीले बिदा दिएका हौं।’
बंगलादेश जुन ५ मा वेस्ट इन्डिज प्रस्थान गर्ने सम्भावना छ । बंगलादेशले १६ जुनदेखि एन्टिगुवा र सेन्ट लुसियामा दुई टेस्ट खेल खेल्ने छ।
त्यसपछि जुलाई २ देखि ६ सम्म टी२० सिरिज खेल्ने छ। यो भ्रमण जुलाई १० देखि १६ सम्मको एकदिवसीय सिरिजपछि समापन हुनेछ।
टेस्ट सिरिज विश्व टेस्ट च्याम्पियनसिपको हिस्सा हो। तर, सुपर लिगअन्तर्गत एकदिवसीय खेल खेलिने छैन।
बंगलादेशका लागि सबैभन्दा धेरै टेस्ट खेल्ने रहिम गत साता श्रीलंकाविरुद्धको चटगाउँ टेस्टमा ५ हजार रन बनाउने पहिलो खेलाडी बनेका छन्।
बंगलादेशले उनलाई वेस्ट इन्डिज भ्रमणमा मिस गर्नेछ, जहाँ उनले पछिल्लो तीन टूरमा शतकसहित कुल ३७५ रन बनाएका थिए।
बंगलादेश पहिले नै चोटको समस्याले जुझिरहेको छ। तस्किन अहमद काँधको चोटबाट निको भइरहेका छन् भने मेहदी हसन मिराज, शोरिफुल इस्लाम र नईम हसनको हातमा चोट छ।
बंगलादेश टोलीका छनोटकर्ताले अहिलेसम्म कुनै पनि फर्म्याटका लागि टोली घोषणा गरेका छैनन्। तर, अब उनीहरूले कम्तीमा पाँच खेलाडीको विकल्प खोज्ने चुनौती सामना गर्नु पर्नेछ।
अहिले रहिमले मिडल अर्डरमा ब्याटिङ गर्नुका साथै सीमित ओभरका खेलमा मात्रै विकेट लिएका छन्। उनको अनुभव र प्रतिभालाई कुनै पनि ढाँचामा प्रतिस्थापन गर्न सजिलो हुनेछैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
