काठमाडौं- खेलको सौन्दर्य नै हो जित र हार भए पनि एउटा टिमले अर्को टिमलाई साथ दिनु। खेलाडीहरूले यो सार्वजनिक रूपमा व्यक्त नगर्न सक्छन्। तर, खेलको भावनाले सिकाउँछ, हार्ने सँधैका लागि हार्दैन र विजेता सँधैभरि हुँदैन।
इन्डियन प्रिमियर लिग (आईपीएल)मा मंगलबार राति अप्ठ्यारो विकेट पिचमा कम स्कोरको खेल देखियो। जुन खेलमा यो सिजन अहिलेसम्म उच्च फर्ममा रहेका गुजरात टाइटन्सले लखनऊ सुपर जाइन्ट्सलाई ६२ रनको अन्तरले पराजित गर्यो।
यो जितसँगै हार्दिक पाण्ड्याको नेतृत्वमा गुजरात यस सिजन ९ खेल जितेर प्लेअफमा पुग्ने पहिलो टोली बनेको छ।
प्लेअफमा पुगेपछि गुजरातको आधिकारिक ट्विटर ह्यान्डलले लेख्यो, ‘अब तपाइँको पालो हो। तर, तपाईं पनि छिट्टै प्लेअफमा प्रवेश गर्नुहुनेछ। दुई नयाँ टोलीले हंगामा मच्चाउनेछ।’
यो एक ट्विटमा यस आईपीएल सिजनको सम्पूर्ण कथा बताइन्छ। गुजरात प्लेअफमा पुग्ने पहिलो टोली बनेको छ र लखनऊ मात्र एक कदम पछाडि छ।
पुनेको कठिन विकेट पिचमा हार्दिकले टस जितेर पहिले ब्याटिङ गर्ने निर्णय गरेका थिए। यस मैदानमा भएको खेलमा पहिले ब्याटिङ गरेको टोलीले लगातार पाँच पटक जित हासिल थियो। त्यसैले गुजरातको टोलीलाई मनोवैज्ञानिक फाइदा पुगेको थियो।
यद्यपि, टोलीको सुरुआत भने राम्रो भएन। ऋद्धिमान साह ११ बलमा ५ रन बनाएर पेभिलियन फर्किए। मोहसिन खानको बलमा आवेश खानले उनले प्रहार गरेको बल क्याच गरे।
म्याथ्यु वेडले आउने बित्तिकै लगातार दुई बलमा चौका हाने। तर, विकेटको पछाडि शट खेल्ने क्रममा आवेश खानले क्याच आउट गराए।
पाण्ड्या ब्रदर्सको प्रतिस्पर्धा
क्रिजमा हार्दिक आउनेबित्तिकै लोकेश राहुलले आफ्नो स्पिनर क्रुणाल पाण्ड्यालाई प्रयोग गरे।
पहिलो ओभरमा हार्दिकले क्रुणालको दुई बलमा दुई रन बनाए। अर्को ओभरमा हार्दिकले क्रुणालको तीन बलमा दुई रन लिए। तर, हार्दिकलाई आवेशले ९औं ओभरको पहिलो बलमा अफ स्टम्प बाहिर जाने बलमा विकेटकिपर क्विन्टन डी ककको हातबाट क्याच गराए।
लखनऊका बलर आवेश, मोहसिन खान र जेसन होल्डरजस्ता फास्ट बलरहरूले गुजरातका ब्याट्सम्यानलाई चल्न दिएनन्।
शुभमन गिलको ब्याटबाट रन आइरहेको थियो। उनी ओपनर ब्याट्सम्यानका रुपमा टिमको स्कोर बढाउँदै थिए। जबसम्म डेभिड मिलर साथमा थिए, गुजरातले ठूलो स्कोरमा पुग्ने देखिन्थ्यो। दुवैले ४० बलमा ५० रन जोडे।
तर, होल्डरले मिलरलाई १५औं ओभरको अन्तिम बलमा २६ रनमा आउट गर्दै टोलीलाई ठूलो सफलता दिलाए। आउट हुनुअघि मिलरले होल्डरको बलमा छक्का प्रहार गरे, जुन गुजरातको इनिङ्सको एकमात्र छक्का साबित भयो।
राहुल तेवाटियाले १६ बलमा ४ चौकाको मद्दतले अविजित २२ रन बनाए भने शुभमनले ४९ बलमा ६ चौकाको मद्दतले अविजित ६३ रन बनाए।
मोहसिनले ४ ओभरमा १८ रन दिएर एक विकेट लिए। यता, आवेशले ४ ओभरमा २६ रन दिएर दुई विकेट लिए।
जितका लागि १ सय ४५ रनको लक्ष्य पछ्याएको लखनऊलाई कप्तान लोकेश राहुल र डी ककको जोडीले उत्कृष्ट सुरुआत दिलाएका थिए। दुवैले पहिलो तीन ओभरमा १२ रन जोडे।
चौंथो ओभरमा हार्दिकले बायाँ हाते तीव्र गतिका बलर यश दयाललाई बल थमाए। उनको दोस्रो बलमा डी ककले उत्कृष्ट छक्का प्रहार गरे। तर, अर्को बलमा पुनरागमन गर्दै दयालले उनलाई कभर पोइन्टमा क्याच गराए।
अर्को ओभरमा मोहम्मद शामीलाई तान्न खोज्दा बल लोकेश राहुलको ब्याटको बाहिरी छेउमा बाउन्स भयो। साहले क्याच लिनमा कुनै गल्ती गरेनन्। शामीको स्पेलमा तीन ओभर पाँच रन र राहुलको विकेट थियो।
इनिङ्सको छैटौं ओभरमा दयालको बलमा तीन चौका आए पनि एक विकेट पनि खसेको थियो।
रसिदको कसिलो प्रदर्शन
आठौं ओभरमा राशिद खान बलिङ गर्न आए। ब्याटिङ गर्न निकै कठिन पिचमा उनले क्रुणाललाई आफ्नो शिकार बनाए। साहले उनलाई स्टम्प गरे र चौंथो झट्का दिए।
यसपछि राशिदले रिभ्यू खेर फालेनन्। उनले ४ ओभरमा २४ रन दिएर ४ विकेट लिए र खेलको म्यान अफ द म्याच घोषित भए। खेलपछि उनले ४ विकेटमध्ये जेसन होल्डरको विकेट सबैभन्दा महत्त्वपूर्ण रहेको बताए।
एक रन बनाएर एलबीडब्लु भएका होल्डर लखनऊको टोलीको अन्तिम आशा थिए। त्यसअघि दुई रन लिन खोज्दा मार्कस स्टोइनिस रनआउट भए। लखनऊको इनिङ्समा सर्वाधिक रन बनाउने दीपक हुड्डा नवौं विकेटका रूपमा राशिदको तेस्रो शिकार बने।
राशिद खान र डेब्यू स्पिनर साई किशोरको अगाडि लखनऊको ब्याटिङ कसरी ध्वस्त बनाए त्यसको अनुमान १५ बलमा ९ रनमै टोलीले पाँच विकेट गुमाएको तथ्यबाट थाहा पाउन सकिन्छ। आईपीएलमा डेब्यू गर्दै आएका स्पिनर साईले पनि दुई विकेट लिए।
बलरका रूपमा अहिलेसम्म निकै प्रभाव पारेका आवेशले राशिदलाई ह्याट्रिक गर्न दिएनन् र लगातार दुई बलमा छक्का प्रहार गरेर ब्याट्सम्यानका रूपमा आशा जगाए।
तर, यस खेलमा गुजरातले लखनऊलाई पूरा १४ ओभरसम्म ब्याटिङ गर्न दिएन। लखनऊले जम्मा ८२ रन मात्रै बनायो।
गुजरातका कप्तान हार्दिकले जितपछि भने,‘हामी टोलीको रूपमा खेल जित्छौं। जब हामी जित्छौं, हामी जित्छौं भन्छौं र जब हामी हार्छौं, हामी भन्छौं हार्छौं।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
