काठमाडौं– दिल्ली क्यापिटल्सलाई ९१ रनले पराजित गर्दै चेन्नई सुपर किंग्सले इन्डिय प्रिमियर लिग (आईपीएल)को प्लेअफमा पुग्ने गणितीय सम्भावना जीवितै राखेको छ।
यस सिजनमा प्रारम्भिक खेलहरूमा टोलीको प्रदर्शन निकै कमजोर थियो। कप्तान रवीन्द्र जडेजाले टोलीको प्रदर्शन खस्किँदै गएपछि सिजनको बीचमा कप्तानी त्यागेका थिए। उनको कप्तानीमा चेन्नईले ८ मध्ये २ खेल मात्र जितेको थियो।
त्यसपछि महेन्द्र सिंह धोनीले फेरि एकपटक टोलीको कमाण्ड सम्हालेका छन्। उनले कप्तानी सम्हालेपछि टोलीले ३ मध्ये १ खेलमा हार बेहोरेको छ, २ खेलमा शानदार जित हात पारेको छ।
धोनीको कप्तानीमा चेन्नईले सनराइजर्स हैदरावादलाई १३ रनले हराएको थियो र त्यसपछि रोयल च्यालेन्जर्स बैंग्लोरसँग सोही रनले हारेको थियो।
त्यसपछि दिल्लीलाई चेन्नईले ९१ रनको ठूलो अन्तरले पराजित गर्यो। अंक तालिकामा ११ खेलपछि चेन्नईले ४ जितसहित ८ अंक जोडेको छ। चेन्नई अंक तालिकाको आठौं स्थानमा छ।
चेन्नईलाई प्लेअफमा पुग्न सजिलो छैन, तर असम्भव पनि छैन। प्लेअफमा पुग्न चेन्नईले बाँकी तीनवटै खेल राम्रो रन रेटका साथ जित्नुपर्छ।
चेन्नईले अबका तीन खेल मुम्बई इन्डियन्स, गुजरात टाइटन्स र राजस्थान रोयल्ससँग खेल्ने छ। मुम्बईको प्लेअफको सम्भावना भने समाप्त भइसकेको छ। यी तीन टोलीमा गुजरात टाइटन्स १६ अंकसहित तालिकाको दोस्रो स्थानमा छ।
लखनउ सुपर जाइन्ट्स र गुजरातलाई प्लेअफमा पुग्ने निश्चित मानिए पनि बाँकी दुई स्थानमा बलियो दाबेदारी छ। प्लेअफको दौडमा रहेका राजस्थान रोयल्स र रोयल च्यालेन्जर्स बैंग्लोर छन्। यी दुई टोलीले ७–७ खेल जितेर १४ अंक जोडेका छन्।
तर, धोनीको टोलीले यी मध्ये कुनै एक टोलीको खेल बिगार्न सक्छ। यसबाहेक दिल्ली , हैदरावाद र पञ्जाबले पनि ५–५ खेल जितेर १०–१० अंक जोडेका छन् भने तीनै टोलीको ३ खेल बाँकी छ। कोलकाता नाइट राइडर्सको अवस्था पनि चेन्नईजस्तै छ।
अर्थात्, चेन्नईले आफ्ना आगामी ३ खेल जित्यो भने पनि उसको अधिकतम १४ अंकमा पुग्न सक्छ। त्यसैले प्लेअफमा पुग्नका लागि उसले धेरै हदसम्म अन्य टोलीको प्रदर्शनमा भर पर्नु पर्नेछ।
धोनीको नेतृत्वमा टोलीमा नयाँ आशाको सञ्चार देखिन्छ। यस सञ्चारको कारण के हो भने चेन्नईले पछिल्ला ३ खेलमा जसरी खेलेको छ, त्यसबाट आगामी ३ खेलमा पनि जित हासिल गर्ने अपेक्षा गर्न सकिन्छ।
आशावादी हुनुको अर्को कारण अहिलेको अवस्थामा चेन्नईको रन औसत सकारात्मक छ। यो बैंग्लोर, हैदरावाद र पञ्जाब किंग्सभन्दा राम्रो हो।
यति धेरै खेलको नतिजा यहाँ भनेको जस्तै रह्यो भने पनि प्लेअफमा पुग्न चेन्नईको टोली पक्का हुने छैन। किनभने यस्तो अवस्थामा टोलीले आफ्ना सबै खेल जितेर १४ अंक हासिल गर्न सक्नेछ। बैंग्लोरको पनि १४ अंक छ।
त्यसैले यी दुई टोलीमा जसको रन रेट राम्रो छ, त्यो टोली प्लेअफ पुग्ने चौथो टोली बन्ने। अहिले चेन्नईको रनरेट बैंग्लोरको भन्दा राम्रो छ।
जे होस्, बैंग्लोरले आफ्ना बाँकी दुई खेलमा एउटा मात्रै खेल जिते पनि चेन्नईको आशा समाप्त हुने छ। र, दिल्ली, हैदरावाद र पञ्जाबको टोलीसँग पनि चेन्नईभन्दा राम्रो मौका छ।
तर, धोनीको कप्तानीमा चार पटक उपाधि जितेको चेन्नईले प्लेअफमा पुग्ने प्रदर्शन गर्न सक्छ कि सक्दैन त्यो भने हेर्न बाँकी छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
