काठमाडौं- इन्डियन प्रिमियर लिग (आईपीएल) २०२२ को यस सिजन मुम्बई इन्डियन्सका लागि दुःस्वप्नभन्दा कम रहेन। पाँच पटकको च्याम्पियन अझै जितको खोजीमा छ। शनिबारको दोस्रो खेलमा उसले यो सिजन शानदार लयमा रहेको राजस्थान रोयल्सको सबैभन्दा सन्तुलित र शानदार टोलीको सामना गर्नेछ। यसलाई हेर्दा मुम्बईको पहिलो जितको बाटो त्यति सहज हुने देखिँदैन।
बुमराहको खराब लय
जसप्रीत बुमराह यो सिजन आईपीएलको सबैभन्दा लयबाट गुज्रिरहेका छन्। ८ खेल मध्ये ३ खेलमा मात्रै उनले विकेट लिएका छन्। उनको करिअरको प्रारम्भिक चरण अर्थात् २०१४ मा पनि उनी ८ खेलमध्ये ६ खेलमा विकेटबिहिन भएका थिए। २०१६ मा पनि बुमराहले पहिलो ८ खेलमध्ये ५ खेलमा कुनै विकेट लिन सकेका थिएनन्। बुमराहको बलिङ औसत र स्ट्राइक रेटको बारेमा कुरा गर्दा यो उनको २०१४ पछि दोस्रो सबैभन्दा खराब सिजन हो।
बटलरको आश
मुम्बईको टोलीबाट आफ्नो आईपीएल करिअर सुरु गरेका जोस बटलर यस सिजन लयमा छन्। इंग्ल्याण्डका यी ब्याट्सम्यान यस सिजन ब्याटिङका हरेक पक्षमा शीर्ष साबित भएका छन्। बटलरको नाममा यो सिजन अहिलेसम्मकै सर्वाधिक ४९९ रन सहित सर्वाधिक व्यक्तिगत उच्चतम स्कोर (११६), सर्वाधिक ५० भन्दा बढी रन (५), सबैभन्दा बढी ३२ छक्का रहेको छ। बटलरले मुम्बई इन्डियन्सविरुद्ध आफ्नो पछिल्लो पाँच इनिङ्समा १००, ४१, ७०, ८९ र ९४ रन बनाएका छन्।
तर, बटलरले बुमराहसँग सावधानी अपनाउनुपर्छ। अहिलेसम्म ८ पटकको टी२० मा बुमराहले बटलरलाई ४ पटक आउट गरिसकेका छन्। यस अवधिमा बटलरको स्ट्राइक रेट ८९ मात्र रहेको छ।
रोहितको खराब लय
मुम्बईको चिन्ताको सबैभन्दा ठूलो कारण कप्तान रोहित शर्माको फर्म हो। उनले यो सिजन मात्र १९.१ को औसतमा रन बनाएका छन्, जुन आईपीएलमा सबैभन्दा खराब औसत हो।
उनी यो सिजन ८ खेलमा ५ पटक पावरप्लेमा आउट भएका छन्। आईपीएलको अन्तिम १६ इनिङ्समा रोहितको ब्याटबाट रन निस्किन सकेको छैन। सन् २०११ मा मुम्बईमा आबद्ध भएपछि रोहितले आईपीएलमा ५० नहानिकन यति धेरै इनिङ्स खेलेका यो सबैभन्दा लामो अवधि हो। राजस्थानविरुद्ध रोहितको प्रदर्शनको बारेमा कुरा गर्दै उनले सबैभन्दा खराब औसत (२२.३) छ।
चहल र अश्विनको हिट जोडी
राजस्थानको सफलताको एउटा प्रमुख कारण युजभेन्द्र चहल र रवि अश्विनको जोडी रहेको छ। राजस्थानका फास्ट बलरले विकेट लिएका छैनन् भन्ने होइन। उनीहरूले पनि चहल र अश्विनले जति विकेट (२६) लिएका छन्। तर, यो स्पिन जोडी किफायती (७.७ को इकोनोमी) रहेको छ। यस आईपीएलमा कुनै पनि स्पिन आक्रमणले राजस्थानभन्दा बढी विकेट लिएको छैन। लेग स्पिन चहलले डेथ ओभरमा आफ्नो कुल (१८) विकेटमध्ये ९ विकेट लिएका छन्।
चहल हाल पर्पल क्याप होल्डर हुन्। उनले ८ खेलमा १२.६१ को औसतमा १८ विकेट लिएका छन्। उनले २०१९ यता मुम्बईविरुद्ध खेलेका ७ खेलमा ८ को इकोनोमीमा १४ विकेट लिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768457877.png)
-1764146706.png)
-1768395492.png)
