काठमाडौं– इन्डियन प्रिमियर लिग (आईपीएल) २०२२ मा गुजरात टाइटन्स र सनराइजर्स हैदरावाद शीर्ष स्थानको होडमा छन्।
७ खेल खेलेको गुजरात ६ मा जित र १ हारसहित १२ अंक बटुलेर तालिकाको दोस्रो स्थानमा छ। गुजरात हैदरावादसँग मात्रै (८ विकेटले)पराजित भएको थियो।
यता, हैदरावाद समान खेलमा २ हारसहित १० अंक बटुलेर तालिकाको तेस्रो स्थानमा छ। हैदरावाद लखनाऊ सुपर जायन्ट्ससँग १२ र राजस्थान रोयल्ससँग ६१ रनले पराजित भएको थियो।
यी दुवै टोलीका बलरहरूले आईपीएल २०२२ मा अहिलेसम्म आफ्नो दबदबा कायम गरेका छन्। पावरप्ले होस् वा डेथ ओभर, उनीहरूका बलरले हरेक पटक आफ्नो जिम्मेवारी पूरा गरेका छन्।
विलियम्सनको लागि चिन्ता
हैदरावादका कप्तान केन विलियम्सनको सिजन निकै कठिन रह्यो। उनले सोचे अनुसार ब्याटिङ गर्न सकेका छैनन्। उनले ७ इनिङ्समा दुई पटक मात्रै ३० भन्दा बढी रन बनाएका छन्। उनको स्ट्राइक रेट एक पटक मात्रै ११० रन पार गरेको छ, त्यो पनि गुजरातविरुद्ध। उनले उक्त खेलमा १२४ को स्ट्राइक रेटमा ४६ बलमा ५७ रन बनाएका थिए।
अहिलेसम्म उनले यो सिजन ९५ को स्ट्राइक रेटमा मात्र रन बनाएका छन्। यो उनको मात्र नभइ कुनै पनि ब्याट्सम्यानको सबैभन्दा कम स्ट्राइक रेट हो।
शुभमनमाथि आश
शुभमन गिलले यो सिजन राम्रो स्ट्राइक रेटमा अर्धशतक बनाएका छन् या इनिङ्सको सुरुमै आउट भएका छन्। यो सिजन ७ मध्ये ४ खेलमा उनी १० बलमा आउट भएका छन्। यदि उनी सुरुमा आउट भएनन् भने उनले तुरुन्तै आफ्नो लय परिवर्तन गर्छन्। र, १५० भन्दा बढीको स्ट्राइक रेटमा रन बनाउने गरेका छन्। १० बलभन्दा कम खेल्दा यो पटक विराट कोहलीले मात्रै उनीभन्दा बढी आउट भएका छन्। उनले पछिल्लो ४ इनिङ्समा ७, ०, १३ र ७ रन बनाएका छन्।
गुजरातका ब्याट्सम्यानलाई रेड अलर्ट
पछिल्लो खेलमा सनराइजर्स हैदरावादका बलरले रोयल च्यालेन्जर्स बैंग्लोरलाई ६७ रनमा अलआउट गरेको थियो। अंक तालिकामा तेस्रो स्थानमा रहेको हैदरावादले यो सिजन सबैभन्दा बढी विकेट लिएको छ। उसका बलरले अहिलेसम्म उत्कृष्ट प्रदर्शन गरेका छन्। ८ को इकोनोमीमा ७ खेलमा सर्वाधिक ५५ विकेट लिएका छन्। औसतमा प्रत्येक १४.८ बलपछि हैदरावादका बलरले विकेट लिएका छन्।
टी नटराजनकै कुरा गर्ने हो भने यी यो बायाँ हाते फास्ट बलरले हरेक खेलमा विकेट लिइरहेका छन्। उनले ७ खेलमा १५ विकेट लिएका छन्। डेथ ओभरसँगै उनी पावरप्लेमा पनि प्रभावशाली सावित भएका छन्। र, ६.८३ को स्ट्राइक रेटमा ६ विकेट लिएका छन्।
यता, लोकी फर्गुसनले यस सिजनमा अचम्मको गति देखाएका छन्। यी फास्ट बलरले खेलमा ८.३२ को इकोनोमीमा ९ विकेट लिएका छन्। पावरप्लेको समयमा उनी झन् खतरनाक हुन्छन्। उनले पावरप्लेमा नै ९ मध्ये ६ विकेट लिएका छन्।
पावरप्ले र अन्तिम ओभरमा दुई उत्कृष्ट टोली
पावरप्लेमा विकेट लिने र रनको प्रवाह रोक्ने कुरामा यी दुवै टोली अहिलेसम्म शीर्ष स्थानमा रहेका छन्। पावरप्लेमा गुजरातले १७ विकेट लिएको छ। जुन सबैभन्दा धेरै विकेट हो।
यता, हैदरावाद भने १६ विकेट लिएको छ। टी नटराजन, लोकी फर्गुसन र मोहम्मद शामीले यस वर्षको आईपीएलमा पावरप्लेमा संयुक्त रूपमा सर्वाधिक विकेट लिएका छन् र आफ्नो टोलीको जितको जग खडा गरेका छन्। अर्कोतर्फ, यदि हामी पावरप्लेमा कम्तिमा पाँच ओभर बल गर्ने बलरहरूको बारेमा कुरा गर्छौं भने हार्दिक पाण्ड्याको इकोनोमी (४.७)उत्कृष्ट छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
