काठमाडौं– मुम्बई इन्डियन्सले लखनऊ सुपर जायन्ट्सविरुद्धको खेल यस सिजनको खराब लयलाई उल्टाउन मात्र होइन, अप्रिय कीर्तिमान बराबरी गर्नबाट बच्न पनि जित निकाल्न आवश्यक छ।
यदि मुम्बईले यो खेल हारे रोयल च्यालेन्जर्स बेङ्गलोर र दिल्ली क्यापिटल्ससँग खराब कीर्तिमानीमा बराबर गर्नेछ, जसले २०१३ र २०१९ मा लगातार ६ खेल हारेर अंक तालिकाको पुछारमा रहेका थिए। दिल्लीले सन् २०१३ मा आफ्नो पहिलो चरणको ६ खेल नै पराजय भोग्यो। त्यस्तै, बेङ्गलोर २०१९ मा पहिलो चरणका ६ खेल मध्य कुनै पनि जित्न सकेन। पाँच पटकको उपाधि विजेता मुम्बई अहिले त्यही संघारमा छ।
मुम्बईले दिल्लीसँग ४, कोलकाता नाईट राइडर्ससँग ५ र बेङ्गलोरसँग ७ विकेटले पराजित भयो। यस्तै, राजस्थान रोयल्सँग २३ र पञ्जाब किंग्ससँग १२ रनले मुम्बई पराजित भयो।
मुम्बईलाई अहिले विदेशी खेलाडीको चिन्ता छ। पछिल्ला केही खेलमा उसले दुई मात्र विदेशी दुई खेलाडी डेवाल्ड ब्रेभिस र काइरन पोलार्डलाई निरन्तरता दिँदै आएको छ। पोलार्ड मुम्बईका प्रमुख अलराउन्डर हुन्। तर, यस सिजनमा लयमा देखिएका छैनन्। यता, दक्षिण अफ्रिकी युवा स्टार ब्रेभिसलाईले दुई खेलमा आशालाग्दो प्रदर्शन गरेका छन्। तर, कागजमा मुम्बईमा यस सिजनमा विदेशी खेलाडी कमजोर देखिएको छ।
पोलार्डलाई छाड्ने हो भने मुम्बईमा यस सिजनमा ठूला नाम गरेका स्टार विदेशी खेलाडी छैनन्। यस सिजनमा मुम्बईले ८ विदेशी खेलाडीको रुपमा पोलार्ड, टिम डेविड, ब्रेभिस, ड्यानियल साम्स, राइली मेरिडीथ, जोफ्रा आर्चर, फबिएन एलेन र टाइमल मिल्सलाई भित्र्याएको थियो।
स्टार तीव्र गतिका बलर आर्चर यो सिजनमा उपलब्ध हुने छैनन्। विदेशी स्टार खेलाडीको कमी हुँदा यस पटक मुम्बई समस्यामा देखिन्छ। ४ विदेशी खेलाडीको प्रदर्शन आईपीएलमा निकै महत्वपूर्ण हुन्छ।
ब्याटिङमा सूर्यकुमार यादव र तिलक बर्मालाई छाड्ने हो भने अन्य लयमा देखिएका छैनन्। ओपनर इशान किशन र रोहित शर्मा लयमा नहुनु कमजोर प्रदर्शनको अर्को कारण हो। तीव्र गतिका बलर जस्प्रित बुमराह पनि यस सिजनमा चल्न सकेका छैनन्।
बुमराहले सुरुआती ५ खेलमा ४ विकेट लिएका छन्। तीन खेलमा विकेटविहीन बनेका छन्। बुमराहको उत्कृष्ट बलिङ बिना मुम्बईको आक्रामण कमजोर देखिएको छ। ट्रेन्ट बोल्ट यस सिजनमा राजस्थान रोयल्समा पुगेपछि बुमराहले राम्रो साथ पाउन सकेका छैनन्।
रोहित भर्सेस राहुल
भारतीय टोलीमा प्रायः हरेक ढाँचामा ओपनिङ पार्टनर रोहित शर्मा र केएल राहुल छन्। तर, आईपीएको यस खेलमा आ–आफ्नो टोलीको नेतृत्व गर्नेछन्। यी दुईको टोली ब्याटिङमा उनीहरूमा निर्भर हुनेछ भन्नु गलत हुनेछैन। राहुलले आफ्नो १००औं आईपीएल खेल खेल्दैछन्। उनले २०१६ यता लगातार प्रत्येक वर्ष रन बनाएका छन्। २०१८ पछिको मात्रै कुरा गर्ने हो भने ६० इनिङ्समा २६८० रन बनाएका छन्, जुन अन्य कुनै पनि ब्याट्सम्यान भन्दा बढी हो। यो सिजन अहिलेसम्म उनी आफ्नो इनिङ्सको पहिलो बलमा दुई पटक आउट भएका छन्, तर विपक्षी टोली मुम्बई उनको रोजाइको हो।
राहुल हालसम्म उत्कृष्ट फर्ममा छैनन्, नयाँ जर्सीमा उनले ६८ (५०) र ४० (२६) को केही राम्रो खेल खेलेका छन्। तर, मुम्बईविरुद्ध राहुलले सर्वाधिक ६६१ रन बनाएका छन्। १४ इनिङ्समा ६६.१ को औसतमा बनाएको यो रन कुनै ब्याट्सम्यानले मुम्बईविरुद्ध न्यूनतम १० इनिङ्समा ५० भन्दा बढीको औसत बनाएको सबैभन्दा बढी हो।
रोहित पनि विराट कोहली र शिखर धवनलाई पछि पार्दै सर्वाधिक रन बनाउने खेलाडीको सूचीमा छन्। उनले यो वर्ष लगभग हरेक इनिङ्समा द्रुत सुरुआत दिए पनि पहिलो खेलमा ४१ रन बनाएपछि २८ रनको स्कोर पार गर्न सकेनन्। उनका लागि अर्को चुनौती विपक्षी बलर दुष्मन्त चमिरा हुनेछन्, जसले उनलाई टी२० क्रिकेटमा ९ इनिङ्समा ६ पटक आउट गरेका छन्। चमेराविरुद्ध रोहितको औसत ५.३ मात्रै छ।
बिश्नोईमाथि भर
मुम्बईको ब्याटिङ चार ठूला खेलाडीहरू- रोहित, इशान, सूर्यकुमार र पोलार्डमा धेरै निर्भर छ। चारै जनालाई टी२० क्रिकेटमा लेग स्पिनर रवि बिश्नोईले समस्यामा पारेका छन्। बिश्नोईविरुद्ध रोहितको ११३ को स्ट्राइक रेट छ भने किशनको १३.० को औसत र ११८ को स्ट्राइक रेट।
३ इनिङ्समा ९ बल खेलेर कुल ८ रन बनाएर सूर्यकुमारलाई उनले दुई पटक गराएका छन्। यता, पछिल्ला ४ इनिङ्समा आउट नभए पनि बिश्नोईको अगाडि पोलार्डको स्ट्राइक रेट ७९ छ।
एलनको खोजी
मुम्बईले अहिलेसम्म आफ्नो उत्कृष्ट इलेभेन भेट्टाउन संघर्ष गरेको छ। तर, बेङ्गलरविरुद्धको अन्तिम खेलमा सूर्यकुमारलाई साथ दिने कुनै पनि ब्याट्सम्यान नभएपछि पाँच बलर खेलाउने मुम्बईको निर्णय गलत सावित भयो। यस्तो अवस्थामा फेबियन एलन राम्रो विकल्प हुन सक्छन्।
एलेनले टी२० क्रिकेटमा २१.४ को सम्मानजनक औसत र १४९ को स्ट्राइक रेटमा रन बनाएका छन्। र, १६औं र अन्तिम ओभर बीचको चरणमा उनको स्ट्राइक रेट १८४ मा पुग्छ।
आवेशको लय
आवेश खानले आफ्नो टोलीका लागि पाँच खेलमा आठ विकेट लिएका छन्। उनले मुम्बईविरुद्ध ६ ओभर बलिङ गरेका छन् र मात्र ३० रन दिएर पाँच विकेट लिएका छन्।
त्यसैले आवेशलाई यो सिजन लखनऊले दिल्लीबाट तानेर आफ्नो टोलीमा सिनियर फास्ट बलर जिम्मेवारी दिँदा कुनै गल्ती नगरेको बुझ्न सकिन्छ। यद्यपि, मुम्बईविरुद्ध उनले गत सिजन दुई खेलमा बलिङ गरे, जसको नतिजा २/१५ र ३/१५ थियो। यसले उनलाई मुम्बईविरुद्ध ६ रनको औसत र प्रतिओभर ५ रनको इकोनोमी दिएको छ। तर, रोचक कुरा के छ भने उनी पहिलो पटक मुम्बईविरुद्ध मुम्बईमा बलिङ गर्दैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
