काठमाडौं- सनराइजर्स हैदरावादविरुद्ध गुजरात टाइटन्सको अन्तिम खेलमा हार्दिक पाण्ड्याले ४२ बलमा ५० रन बनाएका थिए। तर, इन्डियन प्रिमियर लिग (आईपीएल)को कप्तानको रूपमा आफ्नो पहिलो इनिङ्समा हार्दिकको स्ट्राइक रेट अघिल्लो दुई सिजनको तुलनामा धेरै कम छ। हार्दिकको स्ट्राइक रेट सबैभन्दा कम अर्थात् १५१.६७ बाट १२२.६ मा झरेको छ।
अवश्य पनि, यो उनको कप्तानीको बारेमा मात्र होइन। गुजरातको टोलीको संरचना पनि यस्तै छ। पावर हिटरको रुपमा परिचित हार्दिक गुजरातका मध्यक्रममा मुख्य ब्याट्सम्यान हुन्। यस सिजन मात्र ४ खेलमा हार्दिकले १० ओभरमा सबैभन्दा धेरै बल खेलेका छन्, जुन उनको पछिल्लो ८ सिजनको पहिलो १० ओभरको तुलनामा सबैभन्दा धेरै हो।
पछिल्लो समय फिट नरहेको भन्दै आलोचना खेपिरहेका हार्दिकलाई गुजरातले मध्यक्रममा परीक्षण गरेको थियो। हार्दिकले आफूलाई दिएको उक्त जिम्मेवारी पूरा गर्नसक्ने संकेत देखाएका छन्। तर, उनी जे चिजका लागि प्रख्यात छन्, त्यो कतै गुमेको होइन? भन्ने पनि प्रश्न पनि उत्तिकै उठ्न थालेको छ।
तर, हार्दिक जिम्मेवारीपूर्वक ब्याटिङ गर्नुको मतलब ढिलो सुरुआत गर्नु नरहेको बताउँछन्। हुन् पनि हो, राजस्थान रोयल्सविरुद्धको खेलमा उनले ५२ बलमा अविजित ८७ रन बनाए। तेस्रो ओभरमा उनी क्रिजमा आउँदा टोलीले १५ रन बनाउँदा नै दुई विकेट गुमाइसकेको थियो। हार्दिकले ५२ बलमा अविजित ८७ रन बनाए भने अन्य ब्याट्सम्यानले ५२ बलमा ८६ रन बनाए।
मुम्बई इन्डियन्समा हार्दिकले यसअघि १० देखि १५ बलमा आक्रमक खेल खेल्ने गरेका थिए। पछिल्लो समय उनले खेलेका लामो इनिङ्सले पक्कै पनि विभिन्न प्रश्नहरू जन्माउँछन्। जहाँ, हार्दिकको प्रतिक्रिया मौन छ। उनले राजस्थानविरुद्धको खेलमा युजवेन्द्र चहालविरुद्ध सम्हालिएर खेले, जसलाई चौथो ओभरमा ल्याइएको थियो। त्यसपछि अर्को ओभरमा कुलदीप सेनको बलमा रन लिए।
चहाल र रविचन्द्र अश्विनविरूद्ध हार्दिकको स्ट्राइक रेट १०४ थियो र यसको कारण बुझ्न धेरै समय खर्चिन पर्दैन। स्पिनको सट्टा फास्ट बलिङविरुद्ध हार्दिकको स्ट्राइक रेट राम्रो छ। तर, चहाल र अश्विनले हार्दिकलाई सही लाइन र लेन्थमा बल दिए। उनले खुलेर खेल्न रुम पाएनन्। अन्तिम ६ ओभर सुरु हुनुअघि हार्दिकले आक्रमक इनिङ्स खेले र टोलीलाई जिततर्फ अगाडि बढाए।
प्लेयर अफ द म्याच घोषित भएपछि हार्दिकले स्टार स्पोर्ट्ससँग भनेका थिए, ‘मलाई त्यति लामो ब्याटिङ गर्ने बानी छैन। यो लगातार दुई खेल हो, जहाँ मैले १५ र १७ ओभरसम्म ब्याटिङ गरेको छु। मलाई लाग्छ अन्तिम खेलमा मैले चाहेको पूरा गर्न सकिँन, तर मैले बलरहरूलाई आक्रमण गर्न सक्ने हिम्मत दिनुपर्छ।’
हार्दिकले जुन कुरा गरिरहेका छन्, त्यो यस खेलका लागि सही निर्णय थियो। ब्याट्सम्यानले बलरलाई लगातार प्रहार गरेन भने डेथ ओभरमा टोलीका लागि कठिन हुने गर्छ। चौथो नम्बरमा आउनुको कारण सोध्दा उनले भने, ‘यसले अन्य ब्याट्सम्यानलाई दबाब बिना ब्याटिङ गर्ने मौका दिन्छ। मैले धेरै पटक यस्तो अवस्थामा देखेको छु, जहाँ डेथ ओभरमा मैले ठूलो भूमिका खेलेको छु। तर, मलाई अनुभवको कारण यो धेरै गाह्रो लाग्यो।’
यो शानदार इनिङ्सपछि हार्दिकको अंक यस सिजन निकै राम्रो देखिन्छ। ७६ को औसत र १३७ को स्ट्राइक रेट। यो भूमिकामा पहिलो सिजन खेल्दा पक्कै सजिलो हुँदैन, तर हार्दिक लयमा फर्किन थालेका छन्। उनले मौका पाए सीमित ओभरको अन्तर्राष्ट्रिय क्रिकेटमा विषेश ब्याट्सम्यानको रूपमा खेल्न सक्छन् भन्ने प्रमाणित भएको छ।
खेलपछि मुख्य छनोटकर्ता चेतन शर्माले हार्दिक बिस्तारै लयमा फर्किन थालेको प्रतिक्रिया दिए। ‘हार्दिकले आईपीएलबाहेक कुनै पनि घरेलु क्रिकेट खेल्दैनन् र यदि उसले आईपीएलमा आधा पनि प्रदर्शन गरे भने भारतीय टोलीमा फर्किने छन्। र, विश्वकपमा भारतीय टोलीलाई निक्कै फाइदा पुग्ने छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
