काठमाडौं– रविचन्द्र अश्विनले लखनऊ सुपर जायन्ट्सविरुद्धको खेलमा जित हासिल गरेपछि आफ्नो युट्युब च्यानलमा ‘रिटायर्ड हर्ट’ लिने निर्णयबारे प्रतिक्रिया दिएका छन्।
अश्विनले टी२० क्रिकेटलाई फुटबलसँग तुलना गर्दै आगामी दिनमा धेरै अवसरमा हेर्न सकिने बताए।
आइतबार लखनऊविरुद्धको खेलमा अश्विनले रिटायर्ड हर्ट लिएका थिए। ब्याटिङको समयमा ४ विकेट खसेपछि अश्विनलाई मैदानमा पठाइएको थियो। त्यतिबेला राजस्थान रोयल्यसको इनिङ्सको दशौं ओभर चलिरहेको थियो। छैटौं स्थानमा ब्याटिङ गरिरहेका रियान पराग अनुकूल परिस्थितिमा मैदान उत्रिन सक्ने रणनीतिका रूपमा यस्तो निर्णय गरिएको हो।
त्यसैले इनिङ्सको १० बल बाँकी रहँदा २३ बलमा २८ रन बनाएर नटआउट रहेका अश्विनले रिटायर्ड हर्ट लिए। परागले सामना गरेका चार बलमा छक्का पनि प्रहार गरे। रिटायर्ड हर्ट लिने यो निर्णयको असर राजस्थानले लखनऊलाई तीन रनको एकदमै सानो अन्तरले पराजित गर्दा देखियो।
आश्विनले आफ्नो युट्युब च्यानलमा भने, ‘कहिलेकाहीँ यसले काम गर्न सक्छ र कहिलेकाहीँ यसले काम नगर्न सक्छ। फुटबलमा यस प्रकारका चीजहरू सधैं भइरहन्छन्, तर हामीले टी२० क्रिकेटलाई पूर्ण रूपमा क्र्याक गरेका छैनौं। यो अर्को पुस्ताको खेल हो। फुटबलमा लिओनल मेसी वा क्रिष्टियानो रोनाल्डोले प्राय: गोल गर्छन्, तर साथमा आफ्नो टिमका गोलकिपरले गोल बचाउनु पर्छ र डिफेन्डरले राम्रो डिफेन्स गर्नुपर्छ तब मात्र मेसी वा रोनाल्डो चर्चामा रहन सक्छन्।’
आश्विनले थपे, ‘खेलका रूपमा फुटबल जहाँ पुगिसकेको छ, त्यो बाटोमा टी२० क्रिकेट छ। उनीहरूले जसरी विकल्प प्रयोग गर्छन्, मैले पनि त्यही गरेँ। हामी ढिलो भइसकेका छौं, तर आगामी दिनहरूमा यो धेरै हुने आशा गर्छु। नन स्ट्राइकरको अन्त्यबाट कसैलाई आउट गर्नु कलंक हुनेछ जस्तो मलाई लाग्दैन।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1693220145.jpg)
-1786602170.png)
