काठमाडौं- घरेलु टोली नामिबिया युगान्डाबीचको दुई एकदिवसिय सिरिज १–१ को बराबरीमा सकिएको छ।
बिहीबार भएको अन्तिम खेलमा नामिबियालाई ७ विकेटले पराजित गर्दै युगान्डाले सिरिजमा बराबरी गरेको हो। जितका लागि २ सय ६८ रनको विजयी लक्ष्य पछ्याएको युगान्डाले ४९.३ ओभरमा ७ विकेट गुमाउँदै पूरा गर्यो।
युगान्डाको लागि ओपनर सिमोन सेसाजीले ८२ रनको उत्कृष्ट इनिङ्स खेले। उनले ८६ बलमा ७ चौका र ३ छक्का प्रहार गरे। यता, दीनेश नक्रानीले ५० बलमा ३ चौका र १ छक्का प्रहार गर्दै ४५ रन जोडे। तल्लोक्रमकम रिजात अली शाह ३६ बलमा २ चौका र १ छक्कासहित ४३ रनमा अविजित रहे।
यस्तै, कप्तान केनेथ वाइस्था २० र फ्रेड एकेलम २२ रन बनाए। नामियियाका ज्यान फ्रिलिंकले सर्वाधिक २ विकेट लिए।
त्यसअघि युनाइटेड क्रिकेट क्लब ग्राउन्ड विन्डकमा टस हारेर ब्याटिङ थालेको घरेलु टोली नामिबियाले निर्धारित ५० ओभरमा ६ विकेट गुमाउँदै २ सय ६७ रन बनाएको थियो।
नामिबियाका क्रेग विलियम्सले सर्वाधिक ९० रन बनाए। उनले १ सय ७ बलमा ५ चौका र ४ छक्का प्रहार गरे।
यता, कार्ल बिरकेनस्टोक ७७ बलमा ७ चौका र २ छक्कासहित ७३ रनको योगदान दिए। लो- हान्डा लोरेन्सले ५७ बलमा ७ चौकासहित ४४ रन बनाए।
यता, रूविन ट्रम्पलमेनले २२ र स्टेफन जुलियनले १९ रन बनाउँदा अन्य ब्याटरले दोहोरो अंक छुन सकेनन्। युगान्डाका दीनेश नक्रानीले १ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
