काठमाडौं– राजस्थान रोयल्स र गुजरात टाइटन्सबीचको यो सिजनको २४औं खेल नवी मुम्बईको डीवाई पाटिल स्टेडियममा हुनेछ। एकातिर टाइटन्स जितको ट्रयाकमा फर्किन चाहन्छ भने अर्कोतर्फ रोयल्स जितको ह्याट्रिक गर्ने मनसायले मैदानमा उत्रनेछ।
यो सिजनमा सबैभन्दा धेरै छक्का डीवाई पाटिल स्टेडियममा प्रहार भएका छन्। यस सिजनमा यहाँ खेलिएका कुल ८ खेलमा १२० छक्का प्रहार भए। यो सिजन जोस बट्लरले १५ छक्का र शिमरोन हेटमायरले १४ छक्का प्रहार गरेका छन्। हेटमायरले १६ देखि २० ओभरमा १३ छक्का प्रहार गरेका थिए।
राजस्थानको भर्पर्दा ब्याटर बट्लर र हेटमायरलाई टी२० मा राशिद खानले चार/चार पटक आउट गरेका छन्। बट्लरले रसिदको २८ बलमा ६४ को स्ट्राइक रेटमा १८ रन मात्र बनाएका छन्। यता, हेटमायरले रसिदको ३८ बलमा १५० को स्ट्राइक रेटमा ५७ रन बनाएका छन्।
फिटनेस समस्याका कारण वेस्ट इन्डिजका ब्याट्सम्यान हेटमायरलाई राष्ट्रिय टोलीमा समावेश गरिएको थिएन। तर, हेटमेयरले यो सिजन अहिलेसम्म आफ्नो फिनिसिङ क्षमताले सबैलाई प्रभावित बनाएका छन्।
उनले अहिलेसम्म खेलेका चार खेलमा ५९ तथा ४२ (नटआउट), ३५ र ३२ रन बनाएका छन्। यो सिजन डेथ ओभरमा उनको ब्याटबाट अहिलेसम्मकै सर्वाधिक रन बनेको छ। हेटमायरले डेथ ओभरमा २६२ को स्ट्राइक रेटमा १३१ रन बनाएका छन्। यस क्रममा उनले १३ छक्का पनि प्रहार गरेका छन् ।
पडिक्कललाई फर्गुसनको डर
२१ वर्षीय युवा ब्याट्सम्यान देवदत्त पडिक्कलले आफ्ना दुवै फ्रान्चाइजीका लागि निरन्तर राम्रो खेल प्रदर्शन गर्दै आएका छन्। पडिक्कलले आईपीएलमा प्रत्येक तीन इनिङ्समध्ये दुईमा २० वा सोभन्दा बढी रन बनाएका छन्। जसले उनको राम्रो फर्मको निरन्तरताको प्रमाण दिन्छ। यस सिजन पडिक्कलले २९, ३७, ७ र ४१ रन बनाएका छन्।
पडिक्कलले लोकी फर्गुसनको बलमा १६४ को स्ट्राइक रेटमा २३ रन बनाएका छन्, तर तीन खेलमा फर्गुसनले १४ बलमा दुई पटक आफ्नो शिकार बनाएका छन्।
फर्गुसनबाहेक पडिक्कल रशिदविरूद्ध अलि अप्ठ्यारो महसुस गर्छन्। उनले रशिदको १६ बलमा ८८ रन बनाएर १४ रन बनाएका छन्। तर, रशिदले एकपटक उनलाई आउट गरेका छन्।
शमी र हार्दिकले सञ्जुलाई रोक्लान्?
राजस्थान रोयल्सका कप्तान सञ्जु स्यामसनले सिजनको सुरुआत आक्रमक इनिङ्स खेलेका थिए। उनले पहिलो दुई खेलमा आफ्नो टोलीका लागि ५५ (२७) र ३० (२१) रन बनाएका थिए। तर, त्यसपछिका केही खेलमा उनको ब्याट चल्न सकेका छैनन्।
आईपीएल २०२१ देखि अहिलेसम्म उनले मध्य ओभरमा १४९.८१ को स्ट्राइक रेटमा रन बनाएका छन्। उनले यस अवधिमा खेलेका १६ इनिङ्समा ४ सय ६ रन बनाएका छन्।
हार्दिक पाण्ड्या र मोहम्मद शमीको सामना गर्दा उनी झनै आक्रामक हुन्छन्। स्यामसनले शमीको २६ बलमा १७७ को स्ट्राइक रेटमा ४६ रन बनाएका छन्। अर्कोतर्फ, सामसनले हार्दिकको २० बलमा १८५ को स्ट्राइक रेटमा ३७ रन बनाएका छन्।
तर, यो सिजन स्यामसनले फास्ट बलरसँग रन बनाउन संघर्ष गरिरहेका छन्। उनी यो सिजनको चार इनिङ्समा तीन पटक फास्ट बलरको सामना गर्दै आउट भएका छन्। यस अवधिमा उनले १०९ को स्ट्राइक रेटमा ४७ रन मात्र बनाएका छन्। अर्कोतर्फ स्पिन बलरविरुद्धमा उनले २३६ को स्ट्राइक रेटमा ५९ रन बनाएका छन् ।
हार्दिक र वेडविरुद्ध बोल्ड
ट्रेन्ट बोल्टको फास्ट बलिङले हार्दिक र ओपनर म्याथ्यु वेडका लागि समस्या सिर्जना गर्न सक्छ। तथ्यांक अनुसार बोल्टले वेडलाई तीन र हार्दिकलाई दुई पटक प्याभिलियन पठाएका छन्। तर, यी दुवै ब्याट्सम्यानले बोल्टविरुद्ध बलियो स्ट्राइक रेटमा ब्याटिङ गरेका छन्। वेडले बोल्टको २३ बलमा १६१ रन बनाएका छन् भने हार्दिकले २२ बलमा १८६को स्ट्राइक रेटमा रन बनाएका छन्।
हार्दिक यस सिजन बल र ब्याट दुवैमा राम्रो लयमा छन्। उनले यो सिजनमा नटआउट ५०, २७, ३१ र ३३ रन बनाएका छन्। योसँगै उनले पछिल्लो तीन खेलको प्रत्येक इनिङ्समा एक विकेट लिएका छन्। उनले राजस्थानविरुद्ध ७ खेल खेलेका छन्, जसमा उनी सम्मेलित टोली चार पटक अपराजित रहेको छ। उनले राजस्थानविरुद्ध १९५.७९ को स्ट्राइक रेटमा १८६ रन बनाएका छन्।
अश्विन र चहलको बलमा ‘किलर’ बन्न सकेनन् मिलर
‘किलर मिलर’ भनेर चिनिने डेभिड मिलरलाई प्रायः रवीचन्द्र अश्विन र युजवेन्द्र चहलले क्याच आउट बनाएका छन्। यी दुवै बलरबाट मिलर तीन–तीन पटक आउट भएका छन्। मिलरले अश्विनको ६५ बलमा ७५ रन बनाएका छन् भने चाहलले २२ बलमा ३५ रन बनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
