काठमाडौं- नेपाली राष्ट्रिय टोलीका अलराउन्डर दीपेन्द्रसिंह ऐरी अन्तर्राष्ट्रिय क्रिकेट परिषद् (आईसीसी) टी२० आई वरीयताको अलराउन्डरतर्फ १०औं स्थानमा उक्लिएका छन्।
आईसीसीले जारी गरेको नयाँ वरीयतामा दीपेन्द्र टी२० आईको अलराउन्डरतर्फ शीर्ष १० मा अटाएका हुन्। दीपेन्द्र १ सय ५२ रेटिङ अंक पाएका छन्।
दीपेन्द्रले श्रीलंकाका स्पिनर वानिन्दु हसरंगा, बंगलादेशका कप्तान महमुदूल्लाह र अष्ट्रेलियाका मिचेल मार्श जस्ता खेलाडीलाई पछि छाडेका छन्।
आईसीसीको कुनैपनि वरीयतामा शीर्ष १० मा अट्ने दीपेन्द्र पहिलो नेपाली खेलाडी हुन्। यसअघि २०१९ मा टी२० आईको अलराउन्डर तर्फ पूर्वकप्तान पारस खड्का २५औं स्थान थिए। जुन विश्व वरीयतामा नेपालको सर्वाधिक रहँदै आएको थियो।
यता, ब्याटिङतर्फ भने दीपेन्द्र ३८औं स्थानमा छन्। कुशल भुर्तेल ३६औं स्थानमा छन् । आरिफ शेख ९९औं स्थानमा छन्। टी२० आईको बलिङतर्फ सन्दीप लामिछाने ३८औं र अभिनाश बोहरा ८६औं स्थानमा छन् । टी२० आईको अलराउन्डरतर्फ अफगानिस्तानका मोहम्मद नाबी शीर्षस्थानमा छन् ।
नेपालले अघिल्लो साता घरेलु मैदानमा मलेसिया र पपुवा न्युगिनीसँगको त्रिकोणात्मक टी२० आई सिरिजमा अपराजित रहँदै उपाधि जितेको थियो। नेपाललाई उपाधि दिलाउन दीपेन्द्रले कीर्तिमानी शतकसहित सानदार अलराउन्ड प्रदर्शन गरेका थिए।
दीपेन्द्र सिरिजमा ५ खेलमा १ शतक र २ अर्धशतकसहित कुल २ सय ५५ रनका साथ शीर्ष स्थानमा थिए। दीपेन्द्रले बलिङमा भने ५ खेलमा ७ विकेट लिए। दीपेन्द्रले पहिलो खेलमा पपुवा न्यूगिनीसँग ४ रनमै आउट भएका थिए। दोस्रो खेलमा मलेसयाविरुद्ध २१ रन बनाउनुको साथै १ विकेट लिएका थिए।
तेस्रो खेलमा पपुवा न्यूगिनीविरुद्ध दीपेन्द्रले ३३ बलमा ३ चौका र ४ छक्कासहित ६६ रनको इनिङ्स खेलेका थिए। मलेसियासँगको चौथो खेलमा दीपेन्द्रले ५७ बलमा १० चौका र ६ चौकासहित १ सय १० रनको कीर्तिमानी शतकीय इनिङ्स खेलेका थिए।
उक्त खेलमा दीपेन्द्रले ३ ओभरमा २४ रन खर्चेर २ विकेट लिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
