एजेन्सी– चेन्नई सुपर किंग्सले जारी इन्डियन प्रिमियर लिग (आईपीएल) २०२२ मा पहिलो जित हात पारेको छ। मंगलबार राति सम्पन्न खेलमा चेन्नईले रोयल च्यालेन्जर्स बैंग्लोरलाई २३ रनले हराउँदै पहिलो जित हात पारेको छ।
जितका लागि २ सय १७ रनको विशाल लक्ष्य पछ्याएको बैंग्लोर निर्धारित २० ओभरमा ९ विकेट गुमाउँदै १ सय ९३ रनमा समेटियो। बैंग्लोरका स्पिन अलराउन्डर शहबाज अहमदले २७ बलमा सर्वाधिक ४१ रन बनाए। डेब्यू खेल खेलेका सुयश प्रभुदेशाईंले १८ बलमा ३४ रन बनाए।
चेन्नईका स्पिनर महेश थिक्सनाले ४ ओभरमा ३४ रन खर्चेर ४ विकेट लिए भने रविन्द्र जडेजाले ४ ओभरमा ३९ रन खर्चेर ३ विकेट लिए। मुकेश चौधरी र ड्वेन ब्राभोले समान १–१ विकेट लिए।
त्यसअघि डिवाई पाटिल स्पोर्ट्स एकेडेमी मुम्बईमा टस हारेर ब्याटिङको निम्तो पाएको चेन्नईले निर्धारित २० ओभरमा ४ विकेट गुमाउँदै २ सय १६ रन बनाएको थियो। चेन्नईका रोबिन उथप्पाले ५० बलमा ८८ रनबनाए। उथप्पाको यो आईपीएल करिअरकै उत्कृष्ट प्रदर्शन हो।
शिवम दुबे ४६ बलमा अविजित ९५ रन बनाए। दुबेको पनि आईपीएलको उच्च प्रदर्शन हो। बैंग्लोरका वानिन्दु हसरंगाले सर्वाधिक २ विकेट लिए।
चेन्नईले यसअघि चारै खेलमा पराजित भएको थियो । चेन्नईले अव आइतबार गुजरात टाइटन्ससँग खेल्नेछ। बैंग्लोरको यो पाँचौं खेलमा दोस्रो हार हो। बैंग्लोरले अव शनिबार दिल्ली क्यापिटल्ससँग खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
