काठमाडौं– अहिले गुजरात टाइटन्सका लागि काम नगर्ने केही छ? गुजरातको टोलीले ब्याटिङ, बलिङ, फिल्डिङ सबै क्षेत्रमा राम्रो प्रदर्शन गरिरहेको छ। पञ्जाब किंग्सविरुद्ध गुजरातले देखाएको खेलले प्रतियोगिताको प्रारम्भिक चरणमा इन्डियन प्रिमियर लिग (आईपीएल) २०२२ को बलियो दावेदार बनाएको छ।
गुजरातको मध्यक्रमले पनि दुई खेलमा राम्रो प्रदर्शन गर्यो। शुभमन गिल पनि लयमा फर्किएका छन्। हार्दिक पाण्डेयले पनि अलराउन्डरको खेल प्रस्तुत गरेका छन्। मोहम्मद शमी र लोकिइ फर्गुसनले पावरप्ले र डेथ ओभरमा राम्रो बलिङ गरेका छन् भने राशिद खान राशिद खान हुन्, उनीबारे केही लेख्नै पर्दैन।
गुजरातका लागि समस्याको एउटै कारण छ, ओपनिङ जोडीको असफलता। म्याथ्यू वेड अझै पनि टप अर्डरमा संघर्ष गरिरहेका छन्। यस्तो अवस्थामा गुजरातले वेडको स्थानमा रहमानुल्लाह गुरबाजलाई मौका दिन सक्छन्। तर, गुजरात विजयी शंकरको साथ मैदानमा प्रवेश गर्ने सम्भावना बढी छ।
बिजुलीको गतिमा दौडिएको गुजरातको हालको फर्मले कछुवाको चालमा हिँडिरहेको सनराइजर्स हैदरावादलाई डराउन सक्छ। केही निराशाजनक पराजय पछि, हैदरावादले चार पटकको विजेता चेन्नई सुपर किंग्सलाई पराजित गर्दै सिजनमा आफ्नो पहिलो जित दर्ता गरेको छ।
हैदरावादका खेलाडीले गुजरातलाई हराउन उत्कृष्ट प्रदर्शन गर्नुपर्छ भन्ने बुझिसकेका छन्। यससँगै हैदरावादले यस पटक विपक्षी क्याम्पमा रहेका राशिदका लागि पनि बलियो योजना बनाउनुपर्ने छ।
चेन्नईविरुद्ध वासिङ्टन सुन्दर र नटराजनको जोडीले उत्कृष्ट बलिङ गर्दै विपक्षी टोलीलाई १५४ रनमा रोक्यो। अभिषेक शर्माको ५० बलमा ७५ रन र तेस्रो नम्बरमा राहुल त्रिपाठीको प्रदर्शन पनि हैदरावादका लागि राम्रो संकेत हो। तर, कप्तान केन विलियम्सनको सुस्त सुरुआत भने टप अर्डर रहेको हैदरावादका लागि समस्या बनेको छ। विलियम्सन आफैं मिडल अर्डरमा ब्याटिङ गर्न सक्छन् ? के उनले फास्ट बलर उमरान मलिकको स्थानमा लेग स्पिनर श्रेयस गोपाललाई समावेश गर्न सक्छन्? यो प्रश्न पनि छ।
सम्भावित ११
सनराइजर्स हैदरावाद : अभिषेक शर्मा, केन विलियम्सन (कप्तान), राहुल त्रिपाठी, निकोलस पूरन, एडन मार्कराम, वाशिंगटन सुन्दर, अब्दुल समद, रोमारियो शेफर्ड, भुवनेश्वर कुमार, उमरान मलिक/श्रेयस गोपाल, टी नटराजन
गुजरात टाइटन्स : शुभमन गिल, म्याथ्यू वेड/रहमानुल्लाह गुरबाज, विजय शंकर, अभिनव मनोहर, हार्दिक पाण्ड्या (कप्तान), डेभिड मिलर, राहुल तेवाटिया, राशिद खान, दर्शन नाल्कांडे
ओपनरमा विलियम्सन संघर्षरत रहे पनि राहुल त्रिपाठीले इनिङ्स ओपन गर्ने सम्भावना कम छ। यो उनको शमीविरुद्धको खराब रेकर्ड र राशिदविरुद्धको राम्रो रेकर्डको कारण हो। शमीले पछिल्लो तीन खेलमा ६ विकेट लिएका छन्।
विलियम्सनविरुद्ध शमीको रेकर्ड पनि निकै राम्रो रहेको छ। शमीले विलियम्सनलाई ९ टी२० खेलमा चार पटक आउट गरेका छन्।
यो सिजन पावरप्लेमा हैदरावाद अहिलेसम्मकै सबैभन्दा ढिलो रन बनाउने खेलाडी हुन् विलियम्सन। तर, पनि हैदरावादले गुजरातविरुद्धको खेलमा राम्रो सुरुआत गर्नका लागि कप्तान विलियम्सनमा भर परेको छ।
गुजरातविरुद्धको खेलमा विलियम्सनले तीन नयाँ बलरको सामना गर्नेछन्, जसले उनलाई नियमित रूपमा समस्यामा पारेका छन्। ९ इनिङ्समा १२.८ को औसतमा चार पटक आउट गर्नु यस ढाँचामा कुनै पनि बलरको लागि उत्कृष्ट रेकर्ड हो भने हार्दिक पाण्ड्या (२३.५ को औसत, दुई पटक आउट) र लोकिइ फर्गुसन (११ को औसत, एक पटक आउट) भएका छन्। विलियम्सनविरुद्ध शमीको यो राम्रो रेकर्ड हो।
योसँगै शमीले महाराष्ट्रका ब्याट्सम्यान राहुललाई पनि दुई पटक आउट गरेका छन्। एकपटक लयमा पुगेपछि राहुललाई रोक्न निकै गाह्रो हुन्छ र शमीमा उनलाई रोक्न सक्ने क्षमता छ।
साहुलले यस सिजनमा केही रोमाञ्चक पारी खेलेका छन्, १५ बलमा अविजित ३९ र ३० बलमा ४४ रन। गत सिजनमा कोलकाता नाइट राइडर्सका लागि १४० को स्ट्राइक रेटमा ३९७ रन बनाएका उनी भरपर्दो ब्याट्सम्यान थिए।
शमीले राहुललाई ७ इनिङ्समा दुई पटक आउट गरेका छन्। यस क्रममा राहुलले शमीविरुद्ध ९१ को स्ट्राइक रेटमा रन बनाउन सफल भएका छन्। तर, राहुलले राशिदविरुद्ध १४१ को स्ट्राइक रेटमा रन बनाए छन्।
हार्दिकका लागि चुनौतीपूर्ण विपक्षी
गुजरातका कप्तान हार्दिक पाण्ड्याले ब्याट र बल दुबैमा टोलीको नेतृत्व गरेका छन्। तर, ब्याट्सम्यानका रूपमा हैदरावादविरुद्ध उनको प्रदर्शन निकै सामान्य छ। उनले १० इनिङ्समा ११.८ को औसत र ८६ को स्ट्राइक रेटमा १०६ रन बनाएका छन्। उनले १० इनिङ्समा ५ पटक १० भन्दा कम रन बनाएका छन् र कहिल्यै ३० को अंकमा पुग्न सकेका छैनन्। नयाँ टोलीमा नयाँ भूमिका भएका कारण उनले यो कीर्तिमान सुधार्न सक्दो प्रयास गर्नेछन्।
नटराजको भर
टी नटराजन हैदरावादका लागि आफ्नो परिचित शैलीमा अन्तिम ओभरहरूमा प्रभाव पारेको देखिन्छ। तमिलनाडुका यी फास्ट बलरको प्रदर्शन २/४३, २/२६ र २/३० रहेको छ र त्यसमध्ये उनले १६-२० ओभरमा पाँच विकेट लिएका छन्, जुन यो चरणमा कुनै पनि बलरभन्दा बढी हो। आफ्नो योर्करका लागि परिचित नटराजनले यस चरणमा ७ योर्कर बलिङ गरेका छन् र ९ योर्करसहित शार्दुल ठाकुर मात्रै उनीभन्दा अगाडि छन्।
नटराजनले यो सिजनमा खेलेका तीनवटै खेलमा दुई–दुई विकेट लिएका छन् । रमाइलो कुरा के छ भने नटराजन आफ्नो पछिल्लो १४ टी२० खेलमा एकपटक पनि रित्तो हात फर्केका छैनन्।
सनराइजर्स भर्सेज राशिद
राशिद खानलाई हैदरावादका अल टाइम ग्रेट भनिन्छ। आईपीएल २०१७ देखि उनले हैदरावादका लागि ७६ इनिङ्समा ९३ विकेट लिएका छन्। यो टोलीका लागि दोस्रो स्थानमा रहेका भुवनेश्वर कुमार उनीभन्दा ३४ विकेट पछाडि छन्।
गणित स्पष्ट छ - रसिदले गुजरातका लागि तीन इनिङ्समा पाँच विकेट लिएका छन्। राशिद आईपीएलमा आफ्नो १०० विकेटबाट मात्र दुई विकेट टाढा छन्।
यसबाहेक उनले हरेक खेलमा विकेट लिएका छन् र उनको इकोनोमी क्रमशः ६.८, ७.५ र ५.५ रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
