काठमाडौं– ओपनर डेविड वार्नर र पृथ्वी शाको अर्धशतकमा दिल्ली क्यापिटल्सले इन्डियन प्रिमियर लिग (आईपीएल) २०२२ मा लगातार दोस्रो जित निकालेको छ।
आइतबार भएको खेलमा दिल्लीले कोलकातालाई ४४ रनले पराजित गरेको हो। कोलकाता नाइट राइडर्सलाई २ सय १६ रनको विशाल लक्ष्य पछ्याएको कोलकताले निर्धारित १९.४ ओभरमा अलआउट हुँदै १७१ रन मात्रै बनाउन सक्यो।
कोलकताका लागि श्रेयस अय्यरले सर्वाधिक ५४ रन बनाए। उनले ३३ बलमा ५ चौका र २ छक्का प्रहार गरे। यस्तै, नितिश राणाले २० बलमा ४ छक्कासहित ३० रन बनाए।
आन्द्रे रसेल २०, वेंकटेश अय्यर १८, साम बिलिंग्स १५ रनमा आउट हुँदा अन्य ब्याटरले दोहोरो अंकमा रन बनाउन सकेनन्।
दिल्लीका स्पिनर कुलदीप यादवले ४ ओभरमा ३५ रन खर्चेर ४ विकेट लिए। खलिल अहमदले ३ विकेट लिए। शार्दुल ठाकुरले २ विकेट लिए।
त्यसअघि ब्रेबोन स्टेडियम मुम्बईमा टस हारेर ब्याटिङको निम्तो पाएको दिल्लीले निर्धारित २० ओभरमा ५ विकेट गुमाउँदै २ सय १५ रन बनायो।
दिल्लीका डेविड वार्नरले सर्वाधिक ६१ रनको योगदान दिए। उनले ४५ बलमा ६ चौका र २ छक्का प्रहार गरे। अर्का ओपनर पृथ्वी शाले २९ बलमा ७ चौका र २ छक्कासहित ५१ रनको आक्रामक सुरुआत दिलाएका थिए।
पहिलो विकेटका लागि शा र वार्नरले ८.४ ओभरमा ९३ रनको साझेदारी गर्दै आक्रामक उत्कृष्ट सुरुआत दिलाएका थिए। कप्तान ऋषभ पन्त २७ रनमा क्याच आउट भए। ललित यादव १ र रोभम्यान पावेल ८ रनमा आउट भए।
तल्लोक्रमका शार्दुल ठाकुरले २९ रनको अविजित इनिङ्स खेले। अक्षर पटेल २२ रनमा अविजित रहे। कोलकाताका स्पिनर सुनिल नारायणले २ विकेट लिए। बरुण चक्रवर्ती र उमेद यादवको नाममा १/१ विकेट रह्यो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
