काठमाडौं– राजस्थान रोयल्स र नवप्रवेशी लखनऊ सुपर जाइन्ट्सबीचको इन्डियन प्रिमियर लिग (आईपीएल) २०२२ को यो सिजनको २०औं खेल मुम्बईको वानखेडे स्टेडियममा हुनेछ। एकातिर लखनऊ आफ्नो जितको बाउन्ड्री ठोक्ने लक्ष्य लिएर मैदानमा उत्रने छ भने राजस्थानको टोली आफ्नो हराएको गति पुनः प्राप्त गर्न चाहन्छ।
पहिलो खेलमा राजस्थानले सनराइजर्स हैदराबादविरुद्ध ६१ रनको फराकिलो जित निकालेको थियो भने दोस्रो खेलमा पाँच पटकको विजेता मुम्बई इन्डियन्सलाई २३ रनले पाखा लगाएको थियो। यस्तै, तेस्रो खेलमा भने रोयल च्यालेन्जर्स बैंग्लोरसँग ४ विकेटले पराजित भएको थियो।
यता, दिल्लीले पहिलो खेलमै पाँच पटकको विजेता मुम्बई इन्डियन्सविरुद्ध ४ विकेटको जित निकाल्न सफल भएको थियो। यस्तै, दोस्रो खेलमा नवप्रवेशी गुजरात टाइटन्ससँग १४ रनले पराजित भएको थियो भने तेस्रो खेलमा लखनऊसँग ६ विकेटको पराजय भोगेको थियो।
बट्लरविरुद्ध आवेश खान
यो सिजनका अहिलेसम्मका सबैभन्दा सफल ब्याट्सम्यान जोस बट्लर र लखनऊका फास्ट बलर आवेश खानको रोचक खेल देख्न सकिन्छ। राजस्थानका यी ब्याट्सम्यानले यो सिजनमा अहिलेसम्मकै सर्वाधिक २०५ रन बनाएका छन्। टी२० विश्वकपमा उनको प्रदर्शन पनि उत्कृष्ट रह्यो र उनले आफ्नो टोलीका लागि सर्वाधिक २६९ रन बनाए ।
तथ्यांकले बट्लरको ब्याट आवेशविरुद्ध कडा चल्छ भन्ने प्रमाण दिन्छ। बट्लरले अहिलेसम्म दुई खेलमा आवेशसँग सामना गरेका छन्, जसमा उनले ११ बलमा ३१८ को स्ट्राइक रेटमा रन बनाएका छन्।
आवेश गत वर्ष आईपीएलमा दोस्रो सर्वाधिक विकेट लिने बलर बनेका थिए। यो सिजन पनि उनले तीन खेलमा सात विकेट लिएर राम्रो सुरुआत गरेका थिए। वानखेडेमा उनको कीर्तिमान पनि उत्कृष्ट रहेको छ। उनले यहाँ १६.४४ को औसतमा ९ विकेट लिएका छन्।
तर, बट्लरविरूद्ध लखनऊको टोलीले मार्कस स्टोइनिसलाई आक्रमणमा राख्न सक्छ। बट्लर प्रायः स्टोइनिससँग संघर्ष गरिउको देखिएका छन्। उनी स्टोइनको बलमा ७ खेलमा कुल ५ पटक आउट भएका छन्।
डी ककलाई अश्विन र चहलसँग समस्या
लखनऊका ओपनर क्विन्टन डी ककलाई स्पिनमा फसाउने प्रयास हुन सक्छ। राजस्थानको टोलीले रविचन्द्र अश्विन र युजवेन्द्र चहलको जोडीलाई डी ककको सामना गर्न सक्छ। यी दुवै बलरबाट डी कक क्रमशः ४ र ५ पटक आउट भएका छन् ।
डी ककबाहेक मनिष पाण्डेलाई पनि चहलविरुद्ध खेल्न समस्या छ। चहलले मनिष पाण्डेलाई कुल चार पटक आफ्नो स्पिनको शिकार बनाएका छन्।
चहलले यो सिजन राजस्थानका लागि उत्कृष्ट खेल्दै तीन खेलमा ५.२५ को इकोनोमीमा रन दिएर ७ विकेट लिएका छन्। वानखेडेमा पनि उनको राम्रो कीर्तिमान छ र उनले यहाँ ९ विकेट लिएका छन्।
होल्डर र सैमसनबीच कडा भिडन्त
राजस्थान रोयल्सका कप्तान सञ्जु सामसनले अहिलेसम्म जेसन होल्डरको बलमा आक्रमक खेल खेल्न सकेका छैनन्। होल्डरले पाँच इनिङ्समा सामसनलाई ३१ बल बलिङ गरेका छन्, जसमा सैमसनले ११० को स्ट्राइक रेटमा ३४ रन मात्र जोड्न सकेका छन्। यस क्रममा होल्डरले सामसनलाई दुई पटक प्याभिलियन पठाएका छन् ।
२०२२ मा होल्डरले ९ टी२० आईमा १०.८ को स्ट्राइक रेटमा १९ विकेट लिएका छन्। यस वर्षको पहिलो आईपीएल खेलमा उनले अन्तिम ओभरमा १६ रन दिएर तीन विकेट लिएका थिए।
होल्डरबाहेक स्टोइनिसले चार खेलमा दुई पटक सामसनलाई आफ्नो शिकार बनाएका छन्। तर, योसँगै सामसनले स्टोइनिसविरुद्ध १५० को स्ट्राइक रेटमा रन बनाएका छन्।
तर, राजस्थान रोयल्सका कप्तानलाई वानखेडे स्टेडियम फापेको छ। उनले १२ आईपीएल खेलमा १४७.६८ को स्ट्राइक रेटमा ४१५ रन बनाएका छन्। उनले यो सिजन पनि ५५ र ३० अंकका साथ सुरु गरेका छन्।
वानखेडेमा राहुल
केएल राहुल आईपीएलको यो सिजनको पहिलो खेलमा वानखेडे मैदानमा खाता खेल्न सकेनन्। तर, तथ्यांकले राहुललाई वानखेडे मैदान निकै मन फर्छ। राहुलले यस मैदानमा ५७ को औसत र १४६ को स्ट्राइक रेटमा रन बनाएका छन्। राहुलले वानखेडेमा खेलेका आफ्नो कुल ९ इनिङ्समा ३९९ रन बनाएका छन्।
राजस्थानका फास्ट बलर ट्रेन्ट बोल्टविरुद्ध पनि राहुलले निकै आक्रामक ब्याटिङ गर्छन्। बोल्टले अहिलेसम्म ९ खेलमा राहुललाई एक पटक मात्रै प्याभिलियन पठाएका छन्। यस क्रममा राहुलले बोल्टको बलमा १७७ को स्ट्राइक रेटमा रन बनाएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768395492.png)
-1768391713.png)
-1764146706.png)
