काठमाडौं– इन्डियन प्रिमियर लिग (आईपीएल)मा कोलकाता नाइट राइडर्सको समग्रमा रेकर्ड राम्रो छ। कोलकाताले दिल्ली क्यापिटल्स (दिल्ली डेयरडेविल्स)विरुद्ध २८ खेलमध्ये १६ जितेको छ। तर, पछिल्लो चार सिजनमा दिल्लीले आठ खेलमध्ये पाँच खेलमा कोलकातालाई हराएको छ।
ब्राब्रोन मैदानमा फास्ट बलिङको रेकर्ड स्पिनको भन्दा राम्रो छ र दोस्रो इनिङ्समा ब्याटिङ गर्ने टोलीलाई फाइदा पुग्ने गरेको छ। ब्राब्रोन रंगशालामा सम्पन्न आईपीएलका १५ खेलमा पहिले ब्याटिङ गरेको टोलीले पहिलो इनिङ्समा सात पटक र दोस्रो इनिङ्समा आठ पटक जित हात पारेको छ। अर्कोतर्फ यो सिजनको मात्रै कुरा गर्ने हो भने चारमध्ये तीन खेलमा दोस्रो इनिङ्समा ब्याटिङ गर्ने टोलीले जित हात पारेको छ।
यहाँ तीव्र गतिका बलरहरूले प्रत्येक इनिङ्समा औसत चार विकेट लिन्छन्, जबकि स्पिनरहरूको लागि यो संख्या १.६ विकेट पर म्याच मात्र हो। कोलकाताले यस मैदानमा दुई खेल खेलेको छ र दुवैमा हार बेहोरेको छ। यता, दिल्लीले तीन खेलमध्ये एउटा मात्र जितेको छ ।
बलर ‘भर्सेज’ रसेल
बायाँ हाते बंगलादेशी तीव्र गतिका बलर मुस्ताफिजुर रहमान कोलकाताका सबैभन्दा शक्तिशाली ब्याट्सम्यान तथा ‘ड्यासिङ’ अलराउन्डर आन्द्रे रसेलका लागि ठूलो समस्या बनेका छन्। रसेललाई टी२० आईमा उनले तीन पटक आउट गरेका छन्।
‘लर्ड’ भनेर चिनिने शार्दुल ठाकुरले पनि चार इनिङ्समा दुई पटक रसेललाई आउट गरेका छन्। तर, यी दुवैविरुद्ध रसेलको स्ट्राइक रेट १५० भन्दा माथि रहेको छ, जसले उनको अद्भुत ब्याटिङ क्षमतालाई दर्शाउँछ।
पञ्जाब किंग्सविरुद्ध ३१ बलमा अविजित ७० रन बनाएपछि वेस्ट इन्डिजका अलराउन्डरले राम्रो फर्ममा रहेको संकेत देखाएका छन्।
अर्कोतर्फ, रसेल दिल्लीविरुद्ध थप शक्तिशाली बनेका छन्। यदि तपाईलाई यो सत्य लाग्दैन भने दिल्लीविरुद्धको ब्याटिङ र बलिङ दुवैको रेकर्ड हेर्नुहोस्।
आईपीएल २०१८ देखि उनले दिल्लीविरुद्ध ६ इनिङ्समा ५० को औसत र २०० को स्ट्राइक रेटमा २५० रन बनाएका छन्, जुन कुनै पनि आईपीएल टोलीविरुद्ध रसेलको उच्चतम हो। उनले दिल्लीविरुद्धको पछिल्लो ६ इनिङ्समा पाँच पटक ४० प्लस रन बनाएका छन्। समग्रमा कुरा गर्ने हो भने दिल्लीविरुद्धको पछिल्लो पाँच खेलमा उनले ४५ अविजित, १३, ४५, ६२, ४४ र ४१ को स्कोर बनाएका छन्।
यसबाहेक उनले दिल्लीविरुद्ध नै ९ इनिङ्समा १८ को औसतमा १३ विकेट लिएका छन्, जुन अन्य कुनै पनि टोलीका लागि सबैभन्दा धेरै हो।
यता, यो सिजन अहिलेसम्मकै घातक बलर उमेश यादवले डेभिड वार्नरलाई आठमध्ये तीन इनिङ्समा आउट गरेका छन् । तर, यो अवधिमा वार्नरले उमेशमाथि १६१ को स्ट्राइक रेटमा रन पनि बनाएका छन् ।
दिल्लीविरुद्ध रहाणे
पहिलो खेलमा राम्रो सुरुवात गरेका कोलकाताका ओपनर अजिंक्य रहाणे दिल्लीविरुद्ध ब्याटिङ गर्न रुचाउँछन्। उनले आफ्नो आईपीएल करिअरमा दिल्लीविरुद्ध सबैभन्दा धेरै रन (१८ इनिङ्स, ७८४ रन) बनाएका छन्, जसमा एक शतक पनि छ।
यस अवधिमा उनले दिल्लीविरुद्ध सात पटक ५० प्लसको स्कोर बनाएका छन्, जुन विराट कोहली (आठ पटक) पछि यो फ्रान्चाइजीविरुद्धको उच्चतम स्कोर हो। उनले दिल्लीविरुद्ध ६५.३ को औसत पनि बनाएका छन्, जुन कुनै पनि ब्याट्सम्यानको आईपीएल टोलीविरुद्धको तेस्रो उच्च औसत हो।
योसँगै पछिल्लो खेलमा उत्कृष्ट ब्याटिङ गरेका पृथ्वी शाले कोलकाताविरुद्ध ब्याटिङको जिम्मेवारी लिने छन्। उनले आफ्नो सबैभन्दा मनपर्ने टोलीविरुद्ध ५६.८ को प्रभावशाली औसत र १७१ को स्ट्राइक रेटमा ६ इनिङ्समा ३४१ रन बनाएका छन्। यी ६ इनिङ्समा उनको नाममा चार अर्धशतक छ ।
‘अल टाइम’ रेकर्ड बनाउने उमेशलाई मौका
यसैबीच ‘पर्पल क्याप होल्डर’ उमेश यादवको नाममा उत्कृष्ट कीर्तिमान बनाउने मौका छ। उनले थप तीन विकेट लिएर पावरप्लेमा सर्वाधिक विकेट लिने कीर्तिमान राख्न सक्छन्।
आईपीएलमा उनले पावरप्लेमा ५१ विकेट लिएका छन् भने सन्दीप शर्माको नाममा ५३ छ। विशेष कुरा के छ भने उमेशले यो सिजन खेलेका चारवटै खेलको पावरप्लेमा उनले ४.६३ को इकोनोमीमा ६ विकेट लिएका छन्। त्यसैले आगामी खेलमा उनले यो कीर्तिमान तोड्ने प्रबल सम्भावना छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
