काठमाडौं– अभिषेक शर्माको अर्धशतकीय इनिङ्समा सनराइजबर्स हैदराबादले इन्डियन प्रिमियर लिग (आईपीएल) २०२२ मा पहिलो जित निकालेको छ। शनिबार सम्पन पहिलो खेलमा हैदराबादले चेन्नई सुपर किंग्सलाई ८ विकेटले पराजित गरेको हो।
चेन्नईले दिएको १५५ रनको लक्ष्य हैदराबादले ओभरमा २ विकेट गुमाएर पूरा गर्यो। हैदराबादका लागि शर्माले सर्वाधिक ७८ रन बनाए। उनले ५० बलमा ५ चौका र ३ छक्का प्रहार गरे।
केन विलियम्सनले ४० बलमा २ छक्का र १ चौकासहित ३२ रन बनाए। पहिलो विकेटका लागि शर्मा र विलियम्सनले ८९ रनको साझेदारी गरेका थिए।
यस्तै, राहुल त्रिपाठीले ३९ रनमा अविजित रहे। उनले १५ बलमा ५ चौका र २ छक्का प्रहार गरे। यता, निकोलस पूरन ५ रनमा अविजित रहे।
चेन्नईका लागि ड्वेन ब्राभो र मुकेश चौधरीले १/१ विकेट लिए।
त्यसअघि डी वाई पाटिल स्पोर्ट्स एकेडेमी, मुम्बईमा टस हारेर ब्याटिङ गरेको चेन्नईले निर्धारित २० ओभरमा ७ विकेट गुमाएर १५४ रन बनाएको थियो।
चेन्नईका लागि मोइन अलीले सर्वाधिक ४८ रन बनाए। उनले ३५ बलमा ३ चौका र २ छक्का प्रहार गरे।
अलीले अम्बाती रायुडुसँग मिलेर तेस्रो विकेटका लागि ६२ रनको साझेदारी गरेका थिए। रायुडुले २७ रन बनाए।
यस्तै, कप्तान रविन्द्र जडेजा २३, ऋतुराज गायकवाड १६ र रोबिन उथप्पा १५ रनमा आउट भए। अन्य ब्याटरले भने दोहोरो अंक छुन सकेनन्।
ड्वेन ब्राभो ८ र क्रिस जोर्डन ६ रनमा अविजित रहे। सनराइजर्सका लागि वासिङ्टन सुन्दर र टी नटराजनले दुई/दुई विकेट लिए। भुवनेश्वर कुमार, मार्को जानसेन र एडेन मार्करामले एक/एक विकेट लिए।
चेन्नईको यो लगातार चौथो हार हो। चेन्नई अंक तालिकाको पुछारबाट दोस्रो स्थानमा रहेको छ। यता, हैदराबाद ३ खेलबाट २ अंक जोड्दै अंक तालिकाको ८औं स्थानमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768395492.png)
-1768391713.png)
-1764146706.png)
