काठमाडौं– इन्डियन प्रिमियर लिग (आईपीएल) अन्तर्गत पञ्जाब किंग्स र गुजरात टाइटन्सबीचको खेल शुक्रबार मुम्बईको ब्रेबोर्न स्टेडियममा हुनेछ। खेल नेपाली समयअनुसार बेलुका ७ :४५ बजेबाट सुरु हुनेछ।
गुजरात टाइटन्सले यो सिजन अहिलेसम्म हारको स्वाद चाख्न परेको छैन। पञ्जाब किंग्सले भने तीन खेलमध्ये दुईमा जित निकालेको छ।
गुजरातले आईपीएलको पहिलो खेलमा नवप्रवेशी लखनऊ सुपर जायन्टलाई ६ विकेटले पराजित गरेको थियो। यस्तै, दोस्रो खेलमा भने दिल्ली क्यापिटलविरुद्ध १४ रनको रोमाञ्चक जित हात पारेको थियो।
यता, पञ्जाबले पहिलो खेलमा रोयल च्यालेन्जर्स बैंग्लोरमाथि ५ विकेटको जित निकालेको थियो। तर, दोस्रो खेलमा भने कोलकाता नाइट राइडर्ससँग ६ विकेटले पराजित भएको थियो। यस्तै, तेस्रो खेलमा भने ४ पटकको विजेता चेन्नई सुपर किंग्समाथि ५४ रनको फराकिलो जित हात पारेको थियो।
पञ्जाबको शीर्षक्रमका लागि राशिदको चुनौती
गुजरातका स्पिनर राशिद खानविरुद्ध पञ्जाबको शीर्षक्रम निकै कमजोर रह्यो। बिगतको तथ्यांकको अनुसार राशिदको अगाडि पञ्जाबको शीर्षक्रमका ब्याट्सम्यान खुलेर खेल्न सक्दैनन्।
राशिदले पञ्जाबका शिखर धवन र लियाम लिभिङ्स्टनलाई तीन–तीन पटक आउट गरेका छन्। यता, रशिदविरुद्ध मयंक अग्रवालको रेकर्ड भने राम्रो छ। उनलाई चार खेलमा राशिदले एकपटक आउट भएका छन्। यस अवधिमा मयंकले १०० को स्ट्राइक रेटमा रन बनाएका छन्।
यदि राशिदले आफ्नो आईपीएल इतिहासमा कुनै पनि टोलीविरुद्ध सबैभन्दा बढी विकेट लिएका छन् भने त्यो हो पञ्जाब। राशिदले पञ्जाबविरुद्ध १० खेलमा १८ विकेट लिएका छन्। राशिदलाई सम्हाल्न पञ्जाबले जोनी बेयरस्टोको मद्दत लिन सक्छ, जसले सनराइजर्स हैदरावादबाट खेल्दा विकेट पछाडि रशिदको बलको मिश्रण अनुभव गरेका थिए।
शमीविरुद्ध धवन
मोहम्मद शामीले यो सिजन अहिलेसम्म राम्रो बलिङ गरेका छन्। लखनऊविरुद्धको पहिलो खेलमा पनि उनले पावरप्लेमा तीन विकेट लिएर टोलीको जितमा महत्वपूर्ण भूमिका खेलेका थिए। तर, पञ्जाबविरुद्ध बलिङ गर्दा उनले ओपनर शिखरसँग सामना गर्नुपर्नेछ, जसलाई उनले ११ आईपीएल खेलमा एकपटक पनि आउट गर्न सकेका छैनन्।
यस क्रममा शिखरले शमीको ६६ बलमा १५६ को स्ट्राइक रेटमा १०३ रन बनाएका छन्। यद्यपि, शिखरलाई लकी फर्गुसन र राशिदको सामना गर्न गाह्रो हुनसक्छ, जसका बलमा तीन-तीन पटक आउट भएका छन्।
राहुलले शुभमनलाई रोक्न सक्छन् ?
गुजरातका ओपनर शुभमन गिल स्पिनरविरुद्ध खुलेर खेल्ने गरेका छन्। शुभमनले यस आईपीएलमा स्पिनरविरुद्ध २१४ को स्ट्राइक रेटमा रन बनाएका छन्।
आफ्नो आईपीएल करिअरमा शुभमन १० पटक स्पिनरबाट आउट भएका छन् र यी सबै खेलमा दाहिने हात लेग स्पिनरले शुभमनको विकेट लिएका छन्।
शुभमन र राहुल चाहरले आईपीएल स्टेजमा अहिलेसम्म तीन पटक आमनेसामने भइसकेका छन्, जसमा शुभमन दुईपटक प्याभिलियन फर्किएका छन्। यस्तो अवस्थामा शुभमन र राहुलबीच रोचक खेल देख्न सकिन्छ।
तीन खेलमा १० को औसत र पाँचको इकोनोमीमा ६ विकेट लिएका राहुल पञ्जाबका लागि सर्वाधिक विकेट लिने खेलाडीसमेत हुन्।
हार्दिक र टिओटियाको अगाडि रबाडाको चुनौती
गुजरातका कप्तान हार्दिक पाण्ड्या अहिलेसम्म राम्रो लयमा देखिएका छन्। उनले ३३ र ३१ रन बनाएका छन्। तर, दक्षिण अफ्रिकी फास्ट बलर कागिसो रबाडाले पाण्ड्यालाई दुईपटक आउट गरेका छन्। रबाडाविरुद्ध उनको औसत २० रनको छ।
योसँगै रबाडाले म्याच फिनिशरको भूमिका निभाएका राहुल तेवाटियालाई पनि दुईपटक आउट गरेका छन्।
रबाडाले आईपीएल २०१९ यता डेथ ओभरमा ४० इनिङ्समा ३९ विकेट लिएका छन्। यस्तो अवस्थामा पञ्जाबले रबाडाको ओभर हार्दिक र तेवतियाका लागि बचाउन सक्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
