काठमाडौं– पुनेको एमसीए स्टेडियममा सूर्यकुमार यादव मुम्बई इन्डियन्सको टोलीमा फर्किने सम्भावना छ। यता, बासिल थम्पीको स्थानमा जयदेव उनाडकटलाई मुम्बईले खेलाउने सम्भावना पनि उत्तिकै छ। कोलकाता नाइट राइडर्समा प्याट कमिन्सको पुनरागमन पनि निश्चित मानिएको छ।
कोलकाताको टोलीले यो सिजन मुम्बईको तुलनामा धेरै राम्रो प्रदर्शन गरे पनि इन्डियन प्रिमियर लिग (आईपीएल)मा सर्वाधिक जित मुम्बईको पक्षमा छ। मुम्बईले आईपीएलमा २९ मध्ये २२ खेलमा कोलकातालाई पराजित गरेको छ।
आईपीएलमा कोलकाताविरुद्ध मुम्बईको जितको प्रतिशत ७५.८ छ, जुन कुनै पनि हालको टोलीको लागि अर्को विरुद्धको उच्च हो। यसपछि चेन्नई सुपर किंग्सले सनराइजर्स हैदरावादविरुद्ध कीर्तिमानी ७५ प्रतिशत खेल जितेको छ।
‘गेम चेन्जर’
मुम्बईका कप्तान रोहित शर्माले स्पिन बलर सुनिल नारायणको बललाई सावधानीपूर्वक खेल्नुपर्नेछ। रोहित नारायणको बलमा आईपीएलमा कीर्तिमानी ७ पटक आउट भएका छन्।
यो सूचीमा रोहितसँगै रोबिन उथप्पा, विराट कोहली र एमएस धोनी पनि परेका छन्। ती सबै क्रमशः रविचन्द्र अश्विन, सन्दीप शर्मा र जाहिर खानले ७/७ पटक आउट भएका छन्। रोहित नारायणबाहेक अमित मिश्राको बलमा पनि कीर्तिमानी ७ पटक आउट भएका छन्। यस्तो अवस्थामा रोहित ब्याटिङमा आउँदा नारायणको बललाई होसियारीपूर्वक खेल्नुपर्ने हुन्छ।
रोहित र नारायणका अलावा इशान किशन र प्याट कमिन्सको भिडन्त पनि हेर्न लायक हुनेछ। कमिन्सले दुई इनिङ्समा किशनलाई ५ बल मात्रै बलिङ गरेका थिए र यसबीचमा किशनलाई दुई पटक प्याभिलियनको बाटो नाप्न बाध्य पारे।
इशान किशन यस अक्सनमा सबैभन्दा मूल्यवान खेलाडी हुन्। उनले अहिलेसम्म निराश प्रदर्शन गरेका छैनन्। उनले ४८ बलमा ८१ र ४३ बलमा ५४ रन बनाएका छन्। पावरप्लेमा उनले अहिलेसम्म आईपीएलमा ३३ इनिङ्समा ५०७ रन बनाएका छन् भने ८ पटक मात्रै आउट भएका छन्।
यता, नारायणले पुणेमा बलिङ गर्दा कहिल्यै विकेट गुमाउनु परेको छैन। राजस्थान रोयल्सविरूद्ध मुम्बईको मध्यक्रम रविचन्द्र अश्विन र युजवेन्द्र चहलको अगाडि कमजोर भएको थियो। यसको भरपूर फाइदा नारायणले लिन सक्नेछन्।
कोलकाताविरुद्ध रोहितको कीर्तिमानी रन
यो सिजनमा अहिलेसम्म रोहितको ब्याट चलेको छैन। तर, कोलकाताविरुद्ध रोहितले ब्याटिङमा कीर्तिमानी रन बनाएका छन्। रोहितले कोलकाताविरुद्धको २९ खेलमा १०१५ रनको कीर्तिमान बनाएका छन्, जुन आईपीएलमा कुनै एक ब्याट्सम्यानले बनाएको सबैभन्दा धेरै रन हो।
पोलार्डलाई कमिन्स र नारायण दुवैबाट खतरा
किरोन पोलार्डले कमिन्स र नारायणविरुद्ध खेल्न असहज महसुस गर्छन्। कमिन्सले पोलार्डलाई टी२० मा तीन पटक आउट गरेका छन्। र, नारायणले पोलार्डलाई ४ पटक प्याभिलियन पठाएका छन्। उता, बुधबार लामो समयपछि फर्किएका सूर्यकुमार यादवले उमेश यादव र आन्द्रे रसेलको बलबाट टाढै बस्नुपर्ने छ। दुवै बलरले सूर्यकुमारलाई २/२ पटक आउट गरेका छन् ।
बुमराह र रसेलबीच भिडन्त
मुम्बईको बलिङको मेरुदण्ड जसप्रित बुमराह र कोलकाताका अलराउन्डर आन्द्रे रसेलबीचको भिडन्त हेर्नलायक हुनेछ। दुवै खेलाडीले आ–आफ्नो टोलीका लागि ‘म्याच विनर’को भूमिका खेल्छन्। तर, यो खेलमा बुमराहको हात बढी छ।
बुमराहले कुल ९ इनिङ्समा रसेललाई ३ पटक प्याभिलियन पठाएका छन्। रसेल यस सिजनमा सबैभन्दा बढी छक्का प्रहार गर्ने खेलाडी हुन्। दुई सिजन निरन्तरताको अभावमा संघर्ष गरेपछि रसेल यस वर्ष २०१९ को विध्वंसक फर्ममा फर्किएका छन्।
उनले आफ्नो दुई इनिङ्समा १८ बलमा २५ र ३१ बलमा नटआउट ७० रन बनाएका छन्। यस मैदानमा उनले दुई खेलमा १७६.६० को स्ट्राइक रेटमा ८३ रन बनाएका छन्।
अर्कोतर्फ कोलकाताका नयाँ कप्तान श्रेयस अय्यरलाई जयदेव उनादकटले ३ इनिङ्समा २ पटक आउट गरेका छन्। अय्यले अहिलेसम्म ३ इनिङ्समा राम्रो सुरुआत गरेका छन्। तर, त्यसलाई ठूलो स्कोरमा परिणत गर्न सकेका छैनन्।
यद्यपि, मुम्बईविरुद्धको अन्तिम ५ खेलमध्ये ४ मा ३३ र ६५ नटआउट र १२, २५ र ४२ को स्कोर बनाएका छन्। योसँगै अजिंक्य रहाणेले पनि उनादकटको बलिङको अगाडि २ पटक घुँडा टेकेका छन्।
मुम्बईका लागि घरेलु क्रिकेट खेल्ने रहाणेले आईपीएलमा मुम्बई इन्डियन्सविरुद्ध राम्रो कीर्तिमान राखेका छन्। उनले २० इनिङ्सको आधामा ३० अंक पार गरेका छन्। यो सिजनको सुरुआत पनि उनको लागि निकै राम्रो रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
