काठमाडौं– बंगलादेशले डरबन टेस्टमा अम्पायरिङबारे आईसीसीमा औपचारिक उजुरी गर्ने निर्णय गरेको छ। बंगलादेश टोलीका अनुसार खेलको क्रममा मैदानमा रहेका अम्पायरहरूले धेरै अपिललाई बेवास्ता गरेका थिए।
यससँगै बंगलादेश टोली आफ्नो गुनासोमा अत्यधिक गालिगलोच (स्लेजिङ))को पनि सामावेश गरेको छ। बंगलादेशले साउथ अफ्रिकासँगको एकदिवसीय सिरिज २–१ ले जितेको थियो। तर, त्यो सिरिजको क्रममा अम्पायरिङबारे बंगलादेशी टोलीले गुनासो गरेको थिए।
पहिलो टेस्टमा ५३ रनमा अलआउट भएपछि २२० रनले हारेको टोलीलाई रिस उठाउने धेरै कुरा उत्पन्न गराइएको बंगलादेश टोलीको भनाइ छ।
बीसीबीका प्रमुख सञ्चालक जलाल युनिसले भने, ‘हामीले एकदिवसीय सिरिजको क्रममा उजुरी दर्ता गराएका थियौं। त्यसपछि म्याच रेफ्रीले सुरुमा हाम्रा प्रबन्धक नफीस इकबालसँग दुर्व्यवहार गरे र हामीले लिखित उजुरी दर्ता गर्नुपर्यो।’
युनिसबाहेक टिम निर्देशक खालिद महमूद, छनोटकर्ता हबिबुल बशर र शकिब अल हसनले पनि डरबन टेस्टमा खराब अम्पायरिङको बारेमा आफ्नो आपत्ति जनाएका छन् र कप्तान मोमिनुल हकले पनि यसमा टिप्पणी गरेका छन्।
‘स्लेजिङमा कुनै ठूलो कुरा छैन। तर, अम्पायरहरूले यसलाई पूर्णरूपमा बेवास्ता गरेको देखिन्छ। खेलमा अम्पायरहरू पक्कै पनि हाम्रो नियन्त्रणमा छैनन्। तर, शायद तटस्थ अम्पायरलाई फिर्ता ल्याउने समय आएको छ,’ उनले भने।
आइतबार चौथो दिनको खेल सकिएपछि महमुद र बसरले अम्पायरिङको स्तरप्रति असन्तुष्टि जनाएका थिए। व्यक्तिगत कारणले टेस्ट सिरिजबाट बाहिरिएका शकिबले पनि ट्वीटरमा तटस्थ अम्पायर फर्काउने कुरा गरेका छन्। दिनको अन्त्यमा तमिम इकबाल पनि अम्पायरसँग कुरा गरिरहेको देखिए।
बंगलादेशले आइतबार पहिलो दुई सत्रमा धेरै एलबीडब्ल्यूको लागि अपील गरेको थियो, जुन खारेज गरिएको थियो। पाँचौं ओभरमा बल डीन एल्गरको ब्याकफुटमा लागेपछि मराई इरास्मसले नटआउटको निर्णयलाई बंगलादेशले रिभ्यू मागेको थियो। तर, अफ स्टम्पमा हल्का सम्पर्कका कारण एल्गरलाई अम्पायरले बचाए।
दिनको १९औं ओभरमा, अम्पायर एड्रियन होल्डस्टकले सरेल आर्वीलाई लेग बिफोर दिन अस्वीकार गरे, जसलाई उनले थर्ड अम्पायरको निर्णयबाट सुधार गरेका थिए।
२६औं ओभरमा कीगन पीटरसनलाई खालिद अहमदले स्टम्पको अगाडि क्याच आउट गराए। तर, उनी नटआउट भए। बल सिधै स्टम्पमा लागेको कुरा रिप्लेबाट बुझिएको थियो तर रिभ्यू नलिने मार टोलीले बेहोर्नुपरेको थियो।
चौथो दिन बिहानै इबादत हुसेनले आक्रोशित भएर एल्गरको दिशामा बल फ्याँकेपछि खेलमा धम्साधम्सीमा परिणत भएो थियो। त्यसपछि अम्पायर होल्डस्टकले हस्तक्षेप गर्नुपरेको थियो।
युनिसले पहिलो दिनको साइट स्क्रिनमा गडबडीका कारण खेल सुरु हुन ढिलो भएको पनि बताए। उनले भने, ‘यो खेलमा अम्पायरिङमा निरन्तरताको कमी देखिएको छ, पहिलो दिनदेखि सुरु भएको थियो। आधा घण्टाको ढिलाइ। त्यसबेलादेखि हामीले प्रारम्भिक अवस्थाको फाइदा उठाउन सकेनौं। यो समयको लागि उनीहरूले खाजा सत्रको अवधि बढाए, जुन सामान्यतया पहिलो सत्रमा हुन्छ।’
तर, दुवै टोलीले खेलअघि नै तय भएको नियमअनुसार खेलेको बुझिएको छ। युनिसले दक्षिण अफ्रिकी टोलीले आपत्तिजनक भाषा प्रयोग गरेको गुनासोलाई हल्का रूपमा लिएकोमा पनि आक्रोश व्यक्त गरे।
उनले भने, ‘अफ्रिकी खेलाडीले महमुदुल हसन जोयलाई घेरेर धेरै कुरा सुनाए। जुनियर खेलाडी भएकाले जोयले केही बोल्न पनि सकेनन्। यो खेदजनक व्यवहार थियो र अम्पायरहरूले उनीहरुलाई रोक्नुको सट्टा गुनासो गर्नबाट रोकिरहेका थिए। दुबै तर्फबाट स्लेजिङ भयो। तर, यो आयोजक टोलीले सुरु गरेको हो। यो सही थिएन र हामी यसको निन्दा गर्छौं। हामीले अम्पायरको निर्णयलाई सर्वोपरि मान्नुपर्छ तर आईसीसीले पनि तटस्थ अम्पायर फिर्ता ल्याउनुपर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
