काठमाडौं- दीपेन्द्रसिंह ऐरीको अर्धशतक र करण केसीको आक्रमक ब्याटिङमा घरेलु टोली नेपालले त्रिकोणात्मक टी२० आई सिरिजको फाइनलमा पपुवा न्यू गिनीलाई जितका लागि १ सय ६९ रनको मध्यम लक्ष्य दिएको छ।
त्रिवि क्रिकेट मैदानमा टस हारेर पहिले ब्याटिङ गरेको नेपालले २० ओभरमा ६ विकेट गुमाएर १ सय ६८ रन बनायो।
नेपालका लागि दीपेन्द्रले ३८ बल खेल्दै ५ चौका मद्दतमा सर्वाधिक ५४ रन बनाए। यस्तै, करणले १२ बलमा ५ चौका र १ छक्का प्रहार गरेर अविजित ३३ रन बनाए।
दीपेन्द्र र करणले सातौं विकेटका लागि अर्धशतकिय साझेदारी गरे। उनीहरुले अन्तिम चार ओभरमा ५४ रन जोडेका थिए।
आसिफ शेखले २९, कुशल भुर्तेलले २५ र आदिल अन्सारीले १५ रन जोडे। रोहित पौडेल २ रनमा आउट हुँदा आरिफ शेख र दीलिप नाथ शून्यमा समेटिए।
पपुवा न्यू गिनीका लागि सेमो कमिअले ३ विकेट लिए। यस्तै, चाड सपर, अकुअ मोरेअ र रिले हेकुरेल समान एक विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775566576.png)
-1764146706.png)
