तोकिएको समयमा काम पूरा नगर्ने विदेशीसहित ६ निर्माण कम्पनी कालोसूचीमा

अर्थ समाचार

नेपाल लाइभ सोमबार, चैत २१, २०७८ १०:२३

काठमाडौं– सार्वजनिक खरिद अनुगमन कार्यालयले एक विदेशीसहित ६ निर्माण कम्पनलाई कालोसूचीमा राखेको छ। विभिन्न सरकारी निकायको आग्रहपछि स्पष्टीकरण सोधेको कार्यालयले चित्तबुझ्दो जवाफ नआएपछि उनीहरूलाई कालोसूचीमा राखेको हो। कालोसूचीमा राखिएको अवधि एक देखि तीन वर्षसम्म छ।

कार्यालयले भारतीय कम्पनी टिबिइए इनर्जी प्राइभेट लिमिटेड कन्सोर्टिएम विथ पिपी इण्डष्ट्रिज प्रालिलाई तीन वर्षका लागि कालोसूचीमा राखेको छ। नेपाल विद्युत् प्राधिकरणको सिफारिसमा टिबिइएलाई कालोसूचीमा राखिएको हो।

त्यसैगरी, चिराग कन्स्ट्रक्सन, कर्णाली विल्डर्स, फैजल एण्ड अफजल कन्स्ट्रक्सन, कुशलदेव निर्माण सेवा र तितुङ कन्स्ट्रक्सन प्रालिलाई पनि कबुलअनुसारको काम नगरेपछि कालोसूचीमा राखिएको छ।

यी कम्पनीलाई क्रमशः सडक डिभिजन, दमौली, संघीय आयोजना कार्यान्वयन एकाई, धनुषा, ऊर्जा, जलस्रोत तथा सिंचाइ मन्त्रालय र नौकुण्ड गाउँपालिका, रसुवाले कालोसूचीमा राख्न पत्राचार गरेको कार्यालयले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रिय आविष्कार केन्द्रले गर्यो संघीय अस्पतालमा थन्किएका ५ सय उपकरणको मर्मत

ग्लोबल आइएमई बैंकले ह्याकाथन आयोजना गर्ने

च्याम्पियन्स ट्रफीमा अष्ट्रेलिया र भारत भिड्दै, विश्वकप फाइनलको बदला लिने दाउमा भारत