काठमाडौं- मुम्बई इन्डियन्स र राजस्थान रोयल्स इन्डियन प्रिमियर लिग (आईपीएल)को इतिहासमा सबैभन्दा पुरानो प्रतिद्वन्द्वी मध्ये एक हुन्।
राजस्थानले यो सिजन सनराइजर्स हैदराबादमाथि ६१ रनको उत्साहजनक जितका साथ सुरु गरे पनि पहिलो खेलमा मुम्बईले दिल्ली क्यापिटल्ससँग ४ विकेटको हार बेहोरेको थियो।
पहिलो खेल गुमाएपछि सूर्यकुमार यादव टोलीमा फर्कन सक्छन् र यसले मुम्बईको ब्याटिङ लाइनअपमा जीवन्तता ल्याउनेछ भन्नु गलत हुने छैन।
२०१८ मा मुम्बईमा आवद्ध भएदेखि उनी टोलीको मुख्य ब्याट्सम्यान छन्। उनले ५८ इनिङ्समा ३२. ७ को औसत र १३८ को स्ट्राइक रेटमा १ हजार ७ सय ३३ रन बनाएका छन्, जुन यस अवधिमा फ्रेन्चाइजका लागि सबैभन्दा धेरै रन हो।
यसबाहेक उनले २०१८ पछिका ४ सिजनमध्ये ३ मा ४०० भन्दा बढी रन बनाएका छन्। गत वर्ष उनको रन कम थियो। तर, पछिल्ला दुई सिजनमा उनले १४० भन्दा बढीको स्ट्राइक रेटमा ब्याटिङ गरेका थिए ।
ब्याटरको लडाइँ स्पिनरसँग
मुम्बईका लागि किरोन पोलार्डको मिडल अर्डरमा आएर विपक्षी टोलीलाई समस्यामा पार्ने बानी छ। तर, राजस्थानसँग एक होइन दुईवटा राम्रा उपाय छन्, जसमा उनलाई रोक्नसक्ने क्षमता छ।
वास्तवमा रविचन्द्रन अश्विनविरुद्ध पोलार्डले १३ इनिङ्समा १५ को औसतमा ७५ रन बनाएका छन् र ५ पटक आउट भएका छन्। यस्तै, युजवेन्द्र चहलले पनि ११ इनिङ्समा ५ पटक पोलार्डलाई आफ्नो शिकार बनाएका छन्। अर्थ स्पष्ट छ- यदि पोलार्ड क्रिजमा आए भने कप्तान सञ्जु सैमसनले आफ्ना दुवै स्पिनरसँग विकेटको आश राख्छन्।
ठूला शर्टको आशा
हालसम्म डीवाई पाटिल रंगशालामा भएका दुवै खेलमा पिचको व्यवहार अलि फरक देखिए पनि यो पिच ब्याटिङका लागि अनुकूल भएमा छक्काको वर्षा देख्न सकिन्छ।
सन् २०२० पछि आईपीएलमा सबैभन्दा धेरै छक्का लगाउने शीर्ष १० खेलाडीमध्ये ५० प्रतिशतले यहाँ खेल खेल्नेका छन्। यस सूचीमा सामसन (४८), इशान किशन (४२), पोलार्ड (३८), रोहित शर्मा (३५) र जोस बटलर (३२) क्रमशः दोस्रो, चौथो, छैटौं, आठौं र दशौं स्थानमा छन्।
जसप्रितको डर
राजस्थानको ब्याटिङ शीर्षक्रम उसको सबैभन्दा ठूलो शक्ति हो। तर, यसलाई जसप्रित बुमराहले तोड्न सक्छन्। जोस बट्लर बुमराहविरुद्ध ७ इनिङ्समा ३ पटक आउट भएका छन् र उनको १२.७ को औसत र ९५ को स्ट्राइक रेट छ।
देवदत्त पडिक्कल र शिम्रोन हेटमायर दुवैको औसत ४ मात्रै छ र स्ट्राइक रेट ५० र ९२ बीचमा छ। कप्तान सैमसन पनि उनको अगाडि सहज महसुस गर्दैनन्। उनी १० इनिङ्समा दुई पटक बुमराहको बलमा आउट भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
