काठमाडौं– चेन्नई सुपर किंग्सका अलराउन्डर ड्वेन ब्राभोले इन्डियन प्रिमियर लिग (आईपीए)मा सर्वाधिक विकेट लिने श्रीलंकन खेलाडी लसिथ मालिंगाको कीर्तिमान तोडेका छन्।
आईपीएलअन्तर्गत बिहीबारको खेलमा लखनऊ सुपर जाइन्ट्सविरुद्ध १ विकेट लिँदै ब्राभो सर्वाधिक विकेट लिने खेलाडी बनेका हुन्।
लखनऊको इनिङ्सको १८औं ओभरको दोस्रो बलमा दीपक हुड्डाले ब्राभोको बलमा ठूलो शट खेलेका थिए। तर, उनी चेन्नईका कप्तान रवीन्द्र जडेजाको हातबाट क्याच आउट भए।
योसँगै ब्राभोको आईपीएलमा १७१ विकेट पुगेको छ। क्यारेबियन लिजेन्डले आफ्नो आईपीएल करिअरको १५३औं खेलमा यो उपलब्धि हासिल गरेका थिए भने मालिंगाले १२२ खेलमा यो उपलब्धि हासिल गरेका थिए।
आईपीएलमा सर्वाधिक विकेट
ड्वेन ब्राभो – १७१
लसिथ मालिंगा – १७०
अमित मिश्रा – १६६
पियुष चावला - १५७
हरभजन सिंह – १५०
आईपीएल २०२२ सुरु हुनुअघि ब्राभोले १६७ विकेट लिएका थिए र सर्वाधिक विकेट लिने बलर बन्न चार विकेट आवश्यक थियो। उनले सिजनको पहिलो खेलमा कोलकाता नाइट राइडर्सविरुद्ध ३ विकेट लिएका थिए।
ब्राभोको आईपीएल करिअर
वेस्ट इन्डिजका अलराउन्डर ब्राभोले सन् २००८ मा मुम्बई इन्डियन्सबाट आफ्नो आईपीएल करिअर सुरु गरेका थिए। उनले २००९ र २०१० मा मालिंगासँग पनि खेले। ब्राभोले मुम्बईका लागि ३० खेलमा २६ विकेट लिएका थिए।
यसपछि, आईपीएल २०११ सिजन अघि चेन्नईले ब्राभोलाई आफ्नो टोलीमा समावेश गर्यो। उनले सन् २०११ र २०१५ को बीचमा फ्रेन्चाइजीका लागि ७९ विकेट लिएका थिए र यस अवधिमा २०१३ मा ३२ विकेट लिए। र, आईपीएलको यो सिजनमा सर्वाधिक विकेट लिने खेलाडीसमेत बनेका थिए।
ब्राभोले २०१६ मा गुजरात लायन्समबाट खेले। सो सिजन उनले १७ विकेट लिएका थिए। उनले चोटका कारण २०१७ को सिजन भने गुमाए।
२०१८ मा प्रतिबन्धपछि पुनरागमन गरेको चेन्नईले ब्राभोलाई फेरि आफ्नो टोलीमा समावेश गर्यो। त्यसपछि आईपीएल २०२२ मा दुई खेल पछि आफ्नो टोलीको लागि ४९ विकेट लिए। यस अवधिमा उनले २०१८ र २०२१ को उपाधि जित्नमा पनि महत्त्वपूर्ण योगदान दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
-1786513116.png)
