काठमाडौं– नेपाली क्रिकेट टोलीका कप्तान सन्दीप लामिछानेले सबैले राम्रो प्रदर्शन गरेका कारण नेपाल फाइनलमा पुगेको बताए।
अन्तर्राष्ट्रिय टी२० क्रिकेट सिरिजमा प्रतियोगिताकै कमजोर मानिएको पपुवा न्यू गिनीलाई ३७ रनले पराजित गर्दै नेपाल एक खेल अगावै फाइनलमा पुगेको छ।
‘स्कोर २०० माथि पुग्ने बित्तिकै खेल ९० प्रतिशत हामीले जितिसकेका थियौं। बीचमा हामी डगमगाई रहेका थियौं, दिपेन्द्र र आदिलले सम्हालिकएको प्रदर्शन गर्दै जिततर्फ अगाडि बढाए,’ उनले भने।
नेपालका मध्यक्रमका युवा ब्याटर दीपेन्द्रसिंह ऐरी र आदिल अन्सारीले पपुवा न्यू गिनीविरुद्ध नयाँ कीर्तिमान बनाउँदै विशाल लक्ष्य खडा गरेका थिए।
उनीहरुले एकै ओभरमा सर्वाधिक रन बनाउने कीर्तिमान कायम गरेका हुन्। तीव्र गतिका बलर नोसैना पोकनालाई १९औं ओभरमा दीपेन्द्र र आदिलले ३२ रन जोडेको थिए। जुन नेपालले टी२० आईमा एकै ओभरमा बनाएको सर्वाधिक रन हो।
टी२० आई मात्र नभएर सम्भवत: अन्तर्राष्ट्रिय क्रिकेटमा नेपालले बनाएको यो एकै ओभरमा सर्वाधिक रन हो। विश्वको टी२० आईमा एकै ओभरमा बनाएको चौंथो धेरै रन हो ।
एकै ओभरमा सर्वाधिक रन भने इंग्ल्यान्डका स्टुअर्ट ब्रोड र श्रीलंकाका अकिला धनन्जय खर्चिएका छन्। सन् २००७ को टी२० विश्वकपमा इंग्ल्यान्डका तीव्र गतिका बलर ब्रोडलाई भारतीय ब्याटर युवराज सिंहले एकै ओभरमा ६ छक्का प्रहार गरेका थिए।
यता, वेस्टइन्डिजका कप्तान काइरन पोलार्डले २०२१ मा स्पिनर अकिला धनन्जयलाई ६ बलमा ६ छक्का प्रहार गरेका थिए।
आदिलले पहिलो बलमा चौका प्रहार गरेका थिए। दोस्रो र तेस्रो बलमा आदिलले दुई छक्का प्रहार गरे। तेस्रो नो बलमा पुन: छक्का प्रहार गर्दा चौंथो बलमा तीन रन बटुलेका थिए। पाँचौं बलमा दीपेन्द्रसिंह ऐरीले सानदार छक्का प्रहार गरेपछि नेपाललाई दुर्लभ विश्व कीर्तिमान बनाउने अवसर बनेको थियो।
अन्तिम बलमा छक्का प्रहार गरेको भए टी२० आई एकै ओभरमा सर्वाधिक रन बनाउने जोडी बन्न पुग्थे। तर, दीपेन्द्र लङअफमा टोनी उराबाट क्याच भएपछि दुर्लभ कीर्तिमानबाट चुकेका थिए। त्यसअघिको १७औं ओभरमा नेपालले नोर्मन भानुआलाई ३ छक्का र १ चौकासहित कुल २४ रन जोडेका थिए।
२०२० मा भारतीय शिवम दुबेले न्यू जिल्यान्डविरुद्ध एकै ओभरमा ३४ रन खर्चेका थिए। दक्षिण अफ्रिका वेन पार्नेल, अफगानिस्तानका इजातुल्लाह दलतजजाई, भारतीय स्टुर्ट बिन्नी र नेदरल्यान्ड्सका म्याक्स ओडआउडले एकै ओभरमा ३२–३२ रन खर्चेका थिए।
नेपालका दीपेन्द्रले ३३ बलमा ३ चौका र ४ छक्कासहित सर्वाधिक ६६ रनको योगदान दिए। यता, डेब्यू खेल खेलेका आदिल अन्सारीले ११ बलमा १ चौका र ३ छक्कासहित ३३ रनको इनिङ्स खेले। यता, सन्दीपलले पपुवा न्यू गिनीविरुद्ध करण केसीले गरेको प्रदर्शनलाई ‘ब्रिलियन्ट अचिभमेन्ट’ भनेका छन्।
करणले आजको खेलमा ५ विकेट लिन ३.४ ओभरमा २१ रन खर्चे। योसँगै करणको टी२० आईमा विकेट संख्या ५४ पुगेको छ। उनले ३६ खेलमा ५४ विकेट लिएका हुन्। उनी टी२० आईमा ५० विकेट लिने दोस्रो खेलाडी हुन्। यसअघि सन्दीप लामिछानेले ५० विकेट पार गरेका थिए।
सन्दीपले ३७ खेलमा ६८ विकेट लिएका छन्। यसअघि नेपालबाट कुनैपनि खेलाडीले टी२० आईमा ह्याट्रिक गरेका थिएनन्। टी२० आईमा उत्कृष्ट प्रदर्शन ४ विकेट रहँदै आएको थियो।
ओडिआईमा भने तीव्र गतिका बलर सोमपाल कामी र लेग स्पिनर सन्दीप लामिछानेले ५ विकेट लिइसकेका छन्।
‘करण केसीको स्पेल ब्रिलियन्ट अचिभमेन्ट हो। क्रिकेटमा थोरै मात्र यस्तो उपलब्धि प्राप्त हुन्छ’, सन्दीपले भने, ‘क्रिकेट यात्रामा पछि फर्केर हेर्दा पनि यसको महत्त्व हुन्छ।’
दीपेन्द्र सिंह ऐरीले ३३ बलमा ६६ र मोहमद आदिल आलमले ११ बलमा ३१ रन बनाएका थिए। ‘आदिलले पहिलो खेल खेल्दा पनि राम्रो गर्यो’, उनले भने, ‘यसले उसको लाग र टिमका लागि बुस्ट गर्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
