काठमाडौं– अन्तर्राष्ट्रिय त्रिकोणात्मक टी-२० सिरिजअन्तर्गत तेस्रो खेलमा नेपालले पपुवा न्यू गिनीलाई जितका लागि २०४ रनको लक्ष्य दिएको छ।
त्रिवि क्रिकेट मैदानमा टस हारेर पहिले ब्याटिङ गरेको नेपालले २० ओभरमा ७ विकेट गुमाएर २ सय ३ रन बनाएको हो।
नेपालका लागि दीपेन्द्रसिंह ऐरीले ६६ रनको अर्धशतकीय इनिङ्स खेले। ऐरीले ३३ बलमा ३ चौका र ४ छक्का प्रहार गरे। यता, डेब्यू खेल खेलेका आदिल अन्सारीले ११ बलमा १ चौका र ३ छक्कासहित ३३ रनको विष्फोटक इनिङ्स खेले।
चौथो विकेटका लागि दीपेन्द्र र आदिलले ७६ रनको साझेदारी गरेका थिए। दीपेन्द्रले १८ औं ओभरको सुरुवाती तीन बलमा नोर्मन भानुआलाई लगातार तीन छक्का प्रहार गर्दै २९ बलमा अर्धशतक पूरा गरेका थिए। उनको यो टी२० आई करिअरको चौथो अर्धशतक हो।
यता, युवा ब्याटर रोहित पौडेल २३ बलमा ४ चौका र २ छक्कासहित ४१ रनमा आउट भए।
ओपनर आसिफ शेख र कुशल भुर्तेलले पहिलो विकेटका लागि ६.२ ओभरमा ४४ रनको साझेदारी गर्दै नेपाललाई मध्यम सुरुवात दिलाएका थिए। कुशल १७ रनमा क्याच भए। भुर्तेलले २ चौका प्रहार गरे ।
आसिफले २९ बलमा ४ चौका र १ छक्कासहित ३८ रन बनाए।
पपुवा न्यू गिनीका राइली हेकुरेले ४ ओभरमा २२ रन खर्चेर २ विकेट लिए। आबुआ मोरेआले ४ ओभरमा २९ रन खर्चेर ३ विकेट लिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772328969.png)
-1764146706.png)
-1772271039.png)
