सम्झौताको १० वर्षपछि पप्पुले सम्पन्न गर्‍यो निर्माण, सप्तरी-सिरहा जोडने पुलको उद्घाटन

पूर्वाधार

नेपाल लाइभ शनिबार, चैत १२, २०७८ ०६:५६

काठमाडौं- तराई मधेसको 'लाइफ लाइन' मानिएको हुलाकी सडक खण्डको सप्तरी सिरहा जोडने बलान नदी पुल भौतिक पूर्वाधार तथा यातायात मन्त्री रेणु कुमारी यादवले उद्घाटन गरेकी छन्।

पुलको उद्घाटन गर्दै मन्त्री यादवले राज्यको विभेदकारी नीतिका कारण हुलाकी सडक वर्षौ पहिला बनिसक्नु पर्ने भएपनि अहिलेसम्म नबनेको जिकीर गरिन्। शासन सत्तामा रहेका वर्गले हुलाको सडक बनाउनु पर्नेमा खास ध्यान नदिएको उनको आरोप थियो।

४६९.२ मीटर लम्बाई १२ स्पान रहेको बलान पुल २४ करोड ६२ लाख ८३ हजार ४ सय नौं रुपैयाँ रकममा निर्माण गर्ने सम्झौता भएको छ।

२०७२ सालमा निर्माण सम्पन्न गरिसक्नु पर्ने गरि पुलको २०६८ सालमा सम्झौता भएको थियो।

निर्माण कम्पनी शर्मा पप्पु जेभीले पुल निर्माण गरेको हो। यो पुल बनैसँगै बलान नदीका छेउछाउमा बसोबास गरिरहेका स्थानीयको मुहारमा खुसियाली छाएको छ।

यस्तै शुक्रबार सप्तरीको बोदे बर्साईन नगरपालिकामा पर्ने थप दुई पुल खडक नदी पुल र बेतहा पुल पनि उद्घाटन गरिएको छ ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

महाराजगञ्ज नर्सिङ क्याम्पसको स्ववियु अध्यक्षमा विन्दु पोखरेल विजयी

बाख्रा चराउँदै गर्दा लडेर एक जनाको मृत्यु

पुल्चोक इन्जिनियरिङ क्याम्पसको स्ववियु सभापतिमा स्वतन्त्र उम्मेदवार श्रेष्ठ निर्वाचित