काठमाडौं- तेस्रो तथा अन्तिम टेस्ट खेलमा घरेलु टोली पाकिस्तानविरुद्ध अस्ट्रेलियाले १ सय ३४ रनको अग्रता लिएको छ।
दोस्रो इनिङ्समा अस्ट्रेलियाले ३ ओभरमा ११ रन जोड्दा खेल सकिएको छ। अस्ट्रेलिया ओपनर डेविड वार्नर ४ र उस्मान खवाजा ७ रनमा अविजित छन्। पहिलो इनिङ्समा अस्ट्रेलियाले १ सय २३ रनको अग्रता लिएको थियो।
पाकिस्तान पहिलो इनिङ्स २ सय ६८ रनमा अलआउट भएको थियो। पाकिस्तानका युवा ओपनर अब्दुल्लाह शफिकले सर्वाधिक ८१ रनको योगदान दिए। उनले २ सय २८ बलमा ११ चौका प्रहार गरे।
कप्तान प्याट कमिन्स र तीव्र गतिका बलर मिचेल स्टार्कको उत्कृष्ट बलिङमा अस्ट्रेलियाले खेलमा पुनरागमन गरेको थियो।
फवाद आलमलाई स्टार्कले १३ रनमा बोल्ड आउट गरे भने रिजवानलाई १ रनमा बोल्ड आउट गरे। कमिन्सले साजिद खानलाई १ रनमा बोल्ड आउट गर्दा नौमान अलीलाई शून्यमा एलबीडब्लू धरापमा पारे।
यता, कमिन्सले हसन अली र स्टार्कले नसिम शाहलाई शून्यमा पेभेलिएनको बाटो देखाए। स्टार्कले बाबर आजमलाई ६७ रनमा एलबीडब्लू आउट गरे। बाबरले १ सय ३१ बल खेल्दा ६ चौका र १ छक्का प्रहार गरे।
ओपनर इमाम उल हक ७८ रनमा आउट भए। उनले ११ र अजहर अली २ सय ८ बलमा ७ चौका र १ छक्का प्रहार गरे।
दोस्रो विकेटका लागि शफिक र अजहर अलीले १ सय ५० रनको शतकीय साझेदारी गरेका थिए। अस्ट्रेलियाका प्याट कमिन्सले २४ ओभरमा ८ मेडनसहित ५६ रन खर्चेर ५ विकेट लिए।
यता, स्टार्कले २०.४ ओभरमा ६ मेडनसहित ३३ रन खर्चेर ४ विकेट लिए। त्यसअघि गद्दाफी स्टेडियम लाहोरमा टस जितेर ब्याटिङ रोजेको अस्ट्रेलियाले पहिलो इनिङ्समा २ सय ९१ रनमा अलआउट भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769827973.png)
-1764146706.png)
