काठमाडौं– आईसीसी महिला एकदिवसीय विश्वकप २०२२ को १६औं खेलमा दक्षिण अफ्रिकाले न्यूजिल्याण्डलाई २ विकेटले पराजित गरेको छ।
पहिले ब्याटिङ गरेको आयोजक न्यूजिल्याण्डले ४७.५ ओभरमा सबै विकेट गुमाएर २२८ रन बनाएको थियो। जवाफमा दक्षिण अफ्रिकाले ४९.३ ओभरमा ८ विकेट गुमाएर २२९ रन बनाएको थियो।
२२९ रनको लक्ष्य पछ्याएको दक्षिण अफ्रिकालाई २५ रनको स्कोरमा पहिलो झटका लागेको थियो। लिजेल ली १७ रनको व्यक्तिगत स्कोरमा रनआउट भइन्।
लौरा वोल्भार्ट र ताजमिन ब्रिट्सले दोस्रो विकेटका लागि ४८ रनको साझेदारी गरिन्। १८ रन बनाएर ब्रिटिस अमेलिया आउट भइन्। त्यसपछि वोल्भार्ट र कप्तान सुने लुसले राम्रो ब्याटिङ गर्दै चौंथो विकेटको लागि अर्धशतकीय साझेदारी गरेकी थिइन्।
वोल्भार्टले ६७ रन बनाइन्। लुस पनि ५१ रन बनाएर आउट भइन्। यहाँबाट मारियान क्यापले राम्रो ब्याटिङ गर्दै टोलीलाई २ विकेटले जित दिलाइन्। क्याप ३५ बलमा ३४ रन बनाउँदै अविजित रहिन्।
त्यसअघि टस जितेर पहिले ब्याटिङ गरेको न्यूजिल्याण्डको सुरुआत खराब गरेको थियो। ओपनिङ ब्याट्सम्यान सुजी बेट्स ४ रनको व्यक्तिगत स्कोरमा आउट भएकी थिइन्। सोफी डेभिन र अमेलिया केरले दोस्रो विकेटका लागि ८१ रनको साझेदारी गर्दै इनिङ्स सम्हाल्ने कोसिस गरेका थिए।
तर, केर ४२ रन बनाएर प्याभिलियन फर्किइन्। एमी सेटरथवेट १ रन बनाएर आउट भइन्। त्यसपछि डेभिनले चौंथो विकेटका लागि म्याडी ग्रीनसँग ८० रनको साझेदारी गर्दै टोलीको स्कोर १५० भन्दा माथि पुर्याएकी थिइन्। ग्रीन ३० रन बनाएर आउट भइन्।
सोफी डेभिनले सर्वाधिक ९३ रन जोडिन्। ब्रुक हलिडेले पनि २४ रनको योगदान दिइन्। तल्लो क्रमका ब्याट्सम्यानले दोहोरो अंकको योगदान दिन सकेनन् र न्यूजिल्यान्डले ४७.५ ओभरमा सबै विकेट गुमाएर २२८ रन बनाएको थियो।
दक्षिण अफ्रिकाका लागि अयाबोंगा खाका र शबनिम इस्माइलले ३–३ विकेट लिए। मारियान क्यापले पनि २ विकेट लिइन्। जारी विश्वकपमा दक्षिण अफ्रिकाको यो लगातार चौंथो जित हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
