काठमाडौं- इण्डियन प्रिमियर लिग (आईपीएल)– २०२२ सुरु हुन दुई साताभन्दा कम समय बाँकी छ। हालै मुम्बई इन्डियन्स, रोयल च्यालेन्जर्स बैंगलोर र दिल्ली क्यापिटल्सले आफ्नो टोलीको नयाँ जर्सी लन्च गरेका छन्।
यता, पहिलो पटक आईपीएलमा सहभागी हुन लागेको गुजरात टाइटन्सले पनि आफ्नो जर्सी लन्च गरेको छ। जर्सी लन्च कार्यक्रममा टोलीका कप्तान हार्दिक पाण्ड्या, प्रशिक्षक आशिष नेहरा र सपोर्ट स्टाफबाट विक्रम सोलंकी उपस्थित थिए। यस कार्यक्रममा भारतीय क्रिकेट बोर्डका सचिव जय शाहको पनि उपस्थिति रहेको छ।
भारतीय क्रिकेट कन्ट्रोल बोर्ड (बीसीसीआई) सचिव जय शाह र हार्दिक पाण्ड्याले बजर थिचेर फरक शैलीमा जर्सी लन्च गरेका हुन्। गुजरात टाइटन्सको यो जर्सी एकदमै फरक र उत्कृष्ट देखिन्छ।
आगामी आईपीएलमा भारतीय अलराउन्डर हार्दिक पाण्ड्याको हातमा नयाँ टोली गुजरात टाइटन्सले जिम्मा दिइएको छ। बीसीसीआईद्वारा सार्वजनिक गरिएको तालिका अनुसार गुजरात टाइटन्सको पहिलो खेल लखनउ सुपर जायन्ट्ससँग २८ मार्च बेलुकी ७:३० बजे वानखेडे स्टेडियममा हुनेछ।
गुजरात टाइटन्सले न्यूजिल्याण्डका फास्ट बलर लोकी फर्गुसनलाई आईपीएल २०२२ को लिलामीमा सबैभन्दा महँगो खेलाडीको रुपमा १० करोडमा किनेको छ।
यसबाहेक भारतीय स्पिन बलिङ अलराउन्डर राहुल तेवाटियालाई पनि ९ करोड भारुमा किनेको थियो। सोही फ्रेन्चाइजले मोहम्मद शामी, डेभिड मिलर, ऋद्धिमान साहा, म्याथ्यु वेड, विजय शंकर, जयन्त यादव, प्रदीप साङ्वान, गुरकीरत सिंह मान, वरुण आरोन, अल्जारी जोसेफ जस्ता अनुभवी खेलाडीलाई पनि खरिद गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
