काठमाडौं- इङ्ल्यान्डका ब्याट्सम्यान जेसन रोयले इन्डियन प्रिमियर लिग (आईपीएल)बाट नाम फिर्ता लिएका छन्। बायो बबलका कारण उनले आफ्नो नाम फिर्ता लिएका हुन्।
रोयलाई गुजरात टाइटन्सले २ करोड मा अनुबन्ध भएका गरेको थियो। रोय भर्खरै पाकिस्तान सुपर लिग सकाएर आराम गरिरहेका छन्।
३१ वर्षीय रोयले केवल छ खेल खेले तर प्रतियोगितामा शीर्ष ब्याट्सम्यान मध्ये एक र क्वेटा ग्लाडिएटर्सका लागि शीर्ष स्कोरर थिए। उनले दुई अर्धशतक र एक शतक सहित ५०.५० को औसत र १७०.२२ को स्ट्राइक रेटमा ३०३ रन बनाए।
गत हप्ता आफ्नो निर्णयको बारेमा फ्रान्चाइजीलाई समेत उनले जानकारी गराएका थिए। टाइटन्सले उनको स्थानमा अर्को खेलाडी छनोट गर्ने छ ।
लिलामीमा बिक्री भएपछि रोयले आईपीएल नखेल्ने निर्णय गरेको यो लगातार दोस्रो पटक हो । २०२० मा दिल्ली क्यापिटल्सले उनलाई १.५ करोडको आधार मूल्यमा किनेको थियो, तर व्यक्तिगत कारणले उनी प्रतियोगिताबाट बाहिरिए।
यस पटकको आईपीएल १० टोलीबीच खेलाइने छ र लिग स्तरका खेलहरू मुम्बई र पुणेमा हुनेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1758539596-1762682671.jpeg)
-1764146706.png)
